Diatlov pasabideko gertakaria

Diatlov pasabideko gertakaria
	1959ko otsailaren 26a
Mota	incident (en) ; istripu
Honen izena darama	Igor Dyatlov (en) eta Dyatlov Pass (en)
Data	1959ko otsailaren 2a
Kokaleku	North Urals (en) ; Dyatlov Pass (en)
Herrialdea	Sobietar Errepublika Sozialisten Batasuna
Biktima	Igor Dyatlov (en) (lider)
Pertsona hilak	9
Pertsona zaurituak	0
Bizirik irten direnen kopurua	0

Diatlov pasabideko gertakaria (errusieraz: Ги́бель тургру́ппы Дя́тлова) 1959ko otsailaren 1aren eta 2aren artean Ural mendien iparraldean, orduko Sobietar Batasuneko bederatzi mendizaleren heriotza misteriotsua izan zen.

Uraleko Institutu Politeknikoko esperientzia handiko mendizaleek Kholat Siakhl mendiaren tontorretik gertu kanpamentua ezarri zuten, egun Igor Diatlov taldeko buruaren omenezko izena daukan lekuan. Gauean, arrazoi ezezagunengatik, labanaz kanping-denda barrukaldetik sastakatu eta kanpalekutik kanpora atera ziren bederatziak. Kanpalekutik ihes egin zuten, gehienek arropa gutxirekin eta oinutsik, kanpalekuaren inguruko elur-ekaitz astunera. Momentu horretan, kanpaleku inguruan -25 °C eta -30 °C arteko tenperatura zegoela estimatzen da.

Otsailaren 26an aurkitu zituzten taldekideen gorpuak. Sobietar Batasuneko agintariek gauzatutako ikerketa batek ebatzi zuen sei hipotermiak jota hil zirela eta beste hiruk traumatismo fisiko bortitzen zeinuak zituztela. Biktima batek burezurra frakturatuta zuen; Beste bik bularreko haustura oso larriak jasan zituzten. Taldeko kide baten gorpuari mihia eta begiak falta zitzaizkion. Ikerketak ondorioztatu zuen "indar ezezagun bortitza" izan zela heriotzak eragin zituena. Hainbat teoria sortu dira azaldu gabeko heriotzak argitzeko: animalien erasoak, mansien erasoa, hipotermiaren eragin fisiko eta psikologikoak, elur-jausiak , infrasoinuek eragindako panikoa eta militarren parte-hartzea besteak beste.

2019an Errusiak ikerketa berria ireki zuen gertakaria argitzeko, eta bere ondorioak 2020ko uztailean aurkeztu ziren: elur-jauzia izan zen heriotzak eragin zituena. Elur-jauziari biziraun ziotenek euren kanpin-dendak azkar utzi behar izan zituzten, arropa egokirik gabe eta ikuspen eskasarekin; horiek hipotermiaren ondorioz hil ziren^[1]. 2021ean, Frozen II filma egiteko erabilitako teknologiaren bidez^[2], proposatu zen lauza moduko elur-jauzi bat izan zitekeela zauriak azaltzeko modua^[3].

Hildakoak

Espedizioko kideak
Izena	Errusierazko izena	Jaiotze data	Adina	Generoa	Oharrak	Ref.
Igor Alekseyevich Dyatlov	Игорь Алексеевич Дятлов	1936ko urtarrilaren 13a	23	Gizonezkoa	Taldeko liderra	^[4]
Yuri Nikolayevich Doroshenko	Юрий Николаевич Дорошенко	1938ko urtarrilaren 29a	21	Gizonezkoa		^[4]
Lyudmila Alexandrovna Dubinina	Людмила Александровна Дубинина	1938ko maiatzaren 12a	20	Emakumezkoa		^[4]
Yuri (Georgiy) Alexeyevich Krivonischenko	Юрий (Георгий) Алексеевич Кривонищенко	1935eko otsailaren 7a	23	Gizonezkoa		^[4]
Alexander Sergeyevich Kolevatov	Александр Сергеевич Колеватов	1934ko azaroaren 16a	24	Gizonezkoa		^[4]
Zinaida Alekseevna Kolmogorova	Зинаида Алексеевна Колмогорова	1937ko urtarrilaren 12a	22	Emakumezkoa		^[4]
Rustem Vladimirovich Slobodin	Рустем Владимирович Слободин	1936ko urtarrilaren 11a	23	Gizonezkoa		^[4]
Nikolai Vladimirovich Thibeaux-Brignolles	Николай Владимирович Тибо-Бриньоль	1935eko uztailaren 5a	23	Gizonezkoa
Semyon (Alexander) Alekseevich Zolotaryov	Семён (Александр) Алексеевич Золотарёв	1921eko otsailaren 2a	38	Gizonezkoa		^[5]
Yuri Yefimovich Yudin	Юрий Ефимович Юдин	1937ko uztailaren 19a	21	Gizonezkoa	Bizirik atera zen espediziokide bakarra. Ondoez batengatik espedizioa utzi zuen urtarrilaren 28an.	^[6]