Bandar Abbas

Bandar Abbas (persieraz: بندرعباس‎), antzina Cambarão, Gombroon eta Gamrun deitua, Irango hegoaldeko hiri eta portua da, Hormozgan probintziako hiriburua. 2011n 435.751 biztanle zituen. Oso kokaleku estrategikoan dago, eta Irango itsas armadaren base nagusia da. Nazioarteko aireportua du, hegazkin handiak hartzeko prestatua, eta hiru unibertsitate. Biztanleek persieraren dialekto bat (bandaria) hitz egiten dute.

Bandar Abbas
Irango udalerria
Administrazioa
Estatua	Iran
Probintzia	Hormozgan
Postakodea	79177
Geografia
Koordenatuak	27°12′N 56°15′E
Bandar Abbas
Garaiera	9 metro
Demografia
Biztanleria	526.648 biztanle
Bestelako informazioa
Telefono aurrizkia	0761
Ordu-eremua	UTC 03:30
Webgune ofiziala

Geografia

Bandar Abbas Persiar golkoaren ertzean dago, Ormuzko itsasartean, 9 metroko altitudean. Inguruko mendirik gorenak dira Geno, 17 kilometro iparraldera, eta Pooladi, 16 kilometro ipar-mendebaldera. Xoor ibaia Persiar golkoan itsasoratzen da, hiritik 10 kilometro ekialdera.

Klima

Hiriak basamortuko klima beroa dauka, BWh Köppen klima sailkapenaren arabera.

Datu klimatikoak (Bandar Abbas, 1961-1990)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	32.0	33.0	39.0	42.0	47.0	51.0	48.0	46.0	45.0	42.0	38.0	32.0	'
Batez besteko tenperatura maximoa (°C)	23.5	24.4	27.7	31.6	36.3	38.4	38.2	37.7	36.8	35	30.4	25.5	32.13
Batez besteko tenperatura (ºC)	18.1	19.4	23.1	26.8	31.2	33.7	34.4	34.0	32.5	29.6	24.3	19.7	27.2
Batez besteko tenperatura minimoa (°C)	12.1	14	17.5	20.9	24.7	28	30.3	30.1	27.7	23.5	18	13.5	21.69
Erregistraturiko tenperatura minimoa (°C)	3.0	5.4	7.6	11.5	17.0	20.0	25.2	25.0	21.0	12.0	6.0	2.0	'
Pilatutako prezipitazioa (mm)	39.7	47.5	34.8	10.7	4.8	0.0	0.6	2.2	0.8	1.3	5.0	24.0	171.4
Prezipitazio egunak (≥ 1.0 mm)	3.3	3.1	2.6	1.3	0.2	0	0.1	0.2	0.1	0.1	0.4	2.3	13.7
Eguzki orduak	220.1	211.9	232.5	242.4	312.7	302.2	264.6	270.1	270.1	283.4	251.2	228.8	3090
Hezetasuna (%)	64	68	67	64	61	64	68	69	67	64	61	63	65
Iturria: NOAA (1961-1990)

Historia

XVI. mendean, portugesak iritsi ziren eskualdera. Gotorleku bat eraiki zuten, eta merkataritza-portu gisa erabili zuten. Persiako Abbas Handiak hartu zuen 1615ean eta, geroztik, hiriak Bandar Abbas izena du (persieraz «bandar» hitzak portua esan nahi du).

Historikoki merkataritza-hiria izan da, portua duelako, eta Indiarekiko merkataritza-tradizio handia du, batez ere Surat portuarekin. 1955ean arrantzale-hiri txikia zen, 17.000 biztanlerekin. Portu-instalazioak hedatzeak ekarri du hiriaren hazkundea.

Kanpo estekak

• Datuak: Q154814
• Multimedia: Bandar Abbas / Q154814