Bakar Etxea

Bakar Etxea (frantsesez Bakhar Etchea) Lapurdiko Hendaia udalerrian dagoen etxe bat da. Pierre Loti frantziar idazle ospetsuaren bizilekua eta hilekua izan zelako ospetsua da.

Bakar Etxea
Monumentu historikoa
Bakar Etxearen irudia, eta ezkerrean Mauresque Etxea. Irudi gehiago
Kokapena
Herrialdea	Euskal Herria
Probintzia	Lapurdi
Herria	Hendaia
Koordenatuak	43°21′36″N 1°46′37″W
Historia eta erabilera
Irekiera	1893
Arkitektura
Ondarea
Mérimée ID	PA64000077

Lapurdiko monumentu historikoen zerrendaren barnean sailkatua dago.

Kokalekua

Txingudi badiaren ertzean dago, Arrantzaleen karrikaren 2-4 zenbakietan dago, Mauresque Etxearen alboan, Herrigunearen azpian eta antzinako portua zenaren eremuan. Aurrez-aurre Hondarribia begi bistan du.

Historia

1893an bertan Pierre Loti frantziar itsas gudarosteko ofiziala eta idazle ospetsua bizitzen jarri zen, Hendaiako ontzi estazioaren agintari izendatu baizuten, handik gutxira Frantziako Itsas Gudarosteak Hendaiako portuan kokalekua zuen Jamelo kanoiontziaren agintaritza eman zion, honela bere literatura lanak idazten jarraitzeko behar zuen adina astia izan zezan. 1899an idazleak etxeari Bakhar Etchea izena eman zion, alegia, bakartiaren etxea. 1903an etxea erosi eta berez nahiko apal eta sotila zen etxeari euskal arkitektura estiloa eman eta garaiko bere gonbidatu ospetsuei behar bezala harrera egiteko erosotaunak gehitu zizkion.

Lotik etxea maite zuen oso, etxeko bere lekurik kutunena dorre nagusian dagoen eta bere lantokian zen bulegoa zen. 1923an bertan zendu zen.

Ikus gainera

• Pierre Loti

Kanpo estekak

• Bakar Etxea. Akitaniako Gobernuaren Kultura Saileko webgunea (Frantsesez)

• Datuak: Q22980064
• Multimedia: Villa Bakhar Etchea / Q22980064