Galicia Crece

A sociedade mixta Recursos de Galicia será unha peza clave na estratexia industrial da Comunidade, co obxectivo de priorizar a planificación, a sustentabilidade e o impulso a novos vectores enerxéticos, garantindo que os recursos naturais se traduzan en beneficios directos e tanxibles no territorio. Coñécea! 🧐

No marco do impulso de Galicia como un polo de atracción industrial, apoiamos a implantación de empresas na nosa Comunidade a través das seguintes modalidades: ➡ Proxectos de investimento empresarial de entre 800.000 € e 10.000.000 €. ➡ Proxectos cun investimento igual o superior a 100.000 €, cunha creación de emprego de 25 o máis postos de traballo de carácter indefinido a tempo completo. Máis información: https://bit.ly/3xchUsX

🏭 A conselleira de Economía e Industria, María Jesús Lorenzana, acompañada da directora do Igape, Covadonga Toca, mantivo unha reunión de traballo co reitor da UDC, Ricardo Cao, para analizar o desenvolvemento de varios proxectos da Cidade das Tic. ➡ Ao encontro, que se celebrou no CSA da Cidade das Tic, asistiron por parte do goberno da UDC a secretaria xeral, Marta García; a vicerreitora de Infraestruturas e Sustentabilidade, Sonia Vázquez; e o vicerreitor de Investigación e Transferencia, Jerónimo Puertas, mentres que por parte da Xunta de Galicia, ademais da conselleira e da directora do Igape, asistiu o director de competitividade deste organismo, Norberto Penedo. 🏫 Analizar o nivel de desenvolvemento dos proxectos previstos na Cidade das TIC así como ver posibles novas iniciativas a acometer a corto e medio prazo para impulsar o ecosistema TIC nesta área foi un dos obxectivos deste primeiro encontro institucional. 💻 Unha cita na que a conselleira aproveitou para explicarlle ao reitor que o sector tic foi declarado estratéxico polo Consello da Xunta o pasado mes de febreiro e froito dese recoñecemento se está a elaborar o Plan director. Unha ferramenta na que se enmarcarán os obxectivos e liñas de traballo conxuntas nas que se está a traballar para a Cidade das Tic.

🚗 Lorenzana anuncia un novo apoio de 4 M€ ao sector da automoción no marco do Plan director para promover a mellora tecnolóxica en toda a cadea de valor ➡ A conselleira de Economía e Industria visitou as instalacións do Grupo Copo onde subliñou que con esta nova axuda a Xunta leva activados 22 M€ para apoiar este sector declarado estratéxico polo Goberno galego na súa transición cara unha mobilidade sustentable ➡ Lembrou que xa está aberto o prazo para solicitar a liña de apoio extraordinario de 18M€ que permitirá cubrir tanto os custos de investimento en equipamentos ou elaboración de proxectos de futuro como os proxectos de renovables ou de aforro e eficiencia enerxética 🔗 https://lnkd.in/d_CZb6ta

➡ A conselleira de Economía e Industria, María Jesús Lorenzana, participou hoxe no acto de constitución do Consello Galego de Seguridade Industrial, onde destacou o papel que vai xogar este novo órgano á hora de facilitar a actividade empresarial e lograr unha maior interlocución coas empresas. 🔗 https://lnkd.in/dv9H2NEB

🔬 A conselleira de Economía e Industria, María Jesús Lorenzana, visitou o Centro de Innovación e Servizos Tecnolóxicos da Madeira (CIS-Madeira), un dos dous centros de investigación adscritos á Axencia Galega das Industrias Forestais (XERA) xunto co Centro de Investigacións Forestais de Lourizán, recentemente incorporado 🌲 Lorenzana salientou a aposta da Xunta de Galicia por reforzar as competencias da Xera en I D e destacou que o Inventario Forestal de Galicia presentado esta semana ratifica a necesidade de pechar o ciclo da cadea de valor ligado á transformación da madeira na Comunidade, un dos obxectivos nos que vai afondar o plan director que a Xunta está elaborando para o sector 🔗 https://lnkd.in/dSW97pPF

👉 Lorenzana avanza que os borradores dos futuros plans directores da automoción e do sector naval estarán listos a comezos da segunda quincena de xullo ✔ A conselleira de Economía e Industria asegurou que o documento final se presentará no ultimo trimestre do ano para a súa aprobación definitiva 🔗 https://lnkd.in/dP7Pnzjz

➡ O secretario xeral de Industria e Desenvolvemento Enerxético, Nicolás Vázquez, asistiu á inauguración da nova sede de Indra Defensa en Narón, un referente en enxeñaría de sistemas navais ➡ Salientou que o obxectivo da Xunta é facer de Galicia un polo ibérico de atracción industrial para impulsar o desenvolvemento económico e o emprego de calidade ➡ Apuntou que os tres piares nos que se está apoiando o Goberno galego son a aceleración de proxectos industriais, a desburocratización e a planificación enerxética 🔗 https://lnkd.in/dTbGZ9KY

➡ A Xunta sitúa a Galicia á vangarda de Europa cunha lei que garante que o aproveitamento dos seus recursos naturais beneficie a todos os galegos ➡ A conselleira de Economía e Industria, María Jesús Lorenzana, presentou hoxe no Parlamento o proxecto de Lei de Promoción dos beneficios sociais e económicos dos proxectos que utilizan os recursos naturais de Galicia 🔗 https://lnkd.in/ddQZzdQG

➡ A conselleira de Economía e Industria, María Jesús Lorenzana, visitou hoxe a I edición da Feira Ferrexpo, organizada por Ferrecal onde destacou os apoios da Xunta para a instalación de equipamentos enerxéticos eficientes en empresas e vivendas ➡ Apuntou que neste momento están en proceso de resolución as dúas liñas convocadas este ano para particulares (3,5M€): para a instalación de equipamentos de xeotermia, aerotermia e solar térmica, e para placas de enerxía fotovoltaica 🔗 https://lnkd.in/dF_95xXC