La Folliaz
| La Folliaz | |
|---|---|
 | |
| Blazono de La Folliaz | |
| former municipality of Switzerland | |
| Kantono | Friburgo |
| Distrikto | Glano |
| Koordinatoj | 46° 44′ 22″ N 6° 57′ 47″ O / 46.73944 °N, 6.96306 °O (mapo)Koordinatoj: 46° 44′ 22″ N 6° 57′ 47″ O / 46.73944 °N, 6.96306 °O (mapo) |
|
| |
| Areo | 9,86 km² |
| Alteco | 756 m super marnivelo |
| Poŝtkodo | 1690 Lussy 1691 Villarimboud |
| Komunumkodo | 2116 |
 | |
| Mapo de La Folliaz | |
La Folliaz estas komunumo en la distrikto Glano en Kantono Friburgo, Svislando. Ĝi havis 882 loĝantojn je la 31-a de decembro 2011.
Geografio
[redakti | redakti fonton]La Folliaz situas en la valo de la rivero Brojo nordoriente de la distriktĉefurbo Romont. La komunumo konsistas el du partoj teritorie ne ligitaj, nome Lussy rekte sonrdoriente de Romont kaj Villarimboud, kiu situas proksimume 2 kilometrojn nordoriente de Lussy, disigite de ĝi per la teritorio de la komunumo Villaz-Saint-Pierre. Al la parto villarimboud apartenas krom la vilaĝo Villarimboud la vilaĝo Macconnens kaj la setlejoj La Foilla, Le Bon kaj Le Prine, kaj al Lussy krom la vilaĝo Lussy la setlejoj La Vulpilière kaj Les Echelettes[1]
La teritorio de la komunumo etendiĝas sur areo de 9,86 km², de kiuj 15,6% estas kovritaj de arbaro, 74,7% servas por agrikulturo kaj 6,4% por setlado. [2]
Najbaraj komunumoj
[redakti | redakti fonton]La parto Villarimboud limas en nordo al Torny, en nordoriento al La Brillaz, en oriento al Chénens, en sudo al Villorsonnens, en sudo al Villaz-Saint-Pierre, kaj en okcidento al Châtonnaye. La parto Lussy limas en nordo al Villarzel (VD), en oriento al Villaz-Saint-Pierre, kaj en sudo kaj okcidento al Romont.
Trafiko
[redakti | redakti fonton]Tra ambaŭ komunumpartoj kondukas la kantona ĉefvojo n-ro 155 de Friburgo al Romont. La plej proksima alveturejo al la svisa aŭtovojo A12 situas en distanco de proksimume 18 kilometroj sudoriente apud Bulle. Per la trajnlinio de Svisaj Federaciaj Fervojoj de Friburgo al Romont la komunumo estas konektita al la publika transportreto.
Historio
[redakti | redakti fonton]La komunumo La Folliaz estis fondita la 1-an de januaro 2005 el la kunigo de la ĝis tiam aŭtonomaj komunumoj Villarimboud kaj Lussy. Macconnens, kiu la unuan fojon estis menciita en la jaro 1320 kiel Masconens, estis en la jaro 1973 integrita al la komunumo Villarimboud.[3]
La unua dokumenta mencio de Lussy datiĝas el la 12-a jarcento kiel Lussiei. En Lussy, kiu apartenis dum mezepoko al la Grafejo Romont, la Abatejo Hauterive posedis bienojn. En la jaro 1536 Romont estis konkerita de Friburgo kaj fariĝis ties voktejo kaj post la Helveta Revolucio de 1798 distrikto, kiu fine surbaze de la nova friburga konstitucio de 1848 estis integrita al la Distrikto Glano.[4]
Villarimboud estis la unuan fojon dokumente menciita en la jaro 1142 kiel Vilarrimolth. En la jaro 1448 la vilaĝo en milito kontraŭ Savojo estis rabobruligita de friburganoj. Villarimboud dum mezepoko estis malgranda Senjorujo, kiu en la jaro 1536 estis akirita de Friburgo kaj atribuita al la Voktejo Romont, kies historian sorton ĝi ek de tiam dividis.[5]
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 24-an de decembro 2012
- ↑ Fonto: Marianne Rolle: Macconnens en Historia Leksikono de Svislando (2012-03-28)
- ↑ Fonto: Evelyne Maradan: Lussy FR en Historia Leksikono de Svislando (2009-07-29)
- ↑ Fonto: Marianne Rolle: Villarimboud en Historia Leksikono de Svislando (2012-03-05)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion La Folliaz – (Kolekto de bildoj kaj plurmediaj dosieroj)
