Calanca (komunumaro)

Komunumaro Calanca
	Blazono de la komunumaro Calanca
	Calancasca
	Mapo de la komunumaro Calanca
subdistrict of the canton of Graubünden
Kantono	Grizono
Distrikto	Moësa
Ĉefloko	Arvigo
Koordinatoj	46° 18′ N 9° 6′ O / 46.300 °N, 9.100 °O (mapo)Koordinatoj: 46° 18′ N 9° 6′ O / 46.300 °N, 9.100 °O (mapo)
Nombro de loĝantoj	794 (2009-12-31)
Areo	121,02 km²
Loĝantardenseco	7 loĝantoj/km²
	v • d • r

La komunuaro Calanca estas administra unuo de Kantono Grizono kaj parto de la distrikto Moësa. Ĝi havis 794 loĝantojn la 31-an de decembro 2009. Ĝia ĉefloko estas Arvigo.

Geografio

La teritorio de la komunumaro Calanca kongruas pli-malpli kun la Valo de Calanca, flanka valo de la Valo de Mesoko, kiun senakvigas la rivero Calancasca, sudokcidenta alfluanga de Moësa.

Komunumoj de la komunumaro Calanca

La komunumaro Calanca konsistas (stato en 2009) el 8 komunumoj, el kiuj Castaneda estas la plej granda. Jen la listo:

Blazono	Nomo	Loĝantoj (2009-12-31)	Areo en km²	Komunumkodo
	Arvigo	95	17.01	3801
	Braggio	64	6.91	3803
	Buseno	104	11.15	3804
	Castaneda	224	3.96	3805
	Cauco	36	10.89	3806
	Rossa	121	58.88	3808
	Santa Maria in Calanca	112	9.31	3810
	Selma	38	2.91	3811
Totale	8	794	121,02

Historio

La hodiaŭa komunumaro de Calanca estis kreita surbaze de la administracia reformo de Kantono Grizono en la jaro 1851. La valo de Calanca apartenis ek de la 12-a jarcento al la Senjorujo de la nobela familio de Sax. En la jaro 1480 ties havaĵo transiris al la Senjoroj de Trivulzio. En la jaro 1496 la valanoj aliĝis kune kun la loĝantaro de la valo de Mesoko al la Griza Federacio. En la jaro 1549 la valo de Calanca liberiĝis de la senjoreco de la familio Trivuzio kaj ek de tiam estis unu de la kvar flagoj de la Supera Tribunalo Mesoko. La valo estis dividita en la du degagnoj Ca' kaj Calancasca, kiuj siavice konsistis el du duondegagnoj subdividitaj en najbararaĵojn. En la jaro 1796 post grava disputo okazis divido inter interna Calanca (Arvigo-Landarenca, Braggio-Selma, Santa Domenica-Augio, kaj Rossa) kaj ekstera Calanca (Santa Maria in Calanca, Castaneda, Buseno, kaj Cauco). Kiam en 1851 estis kreita la komunumaro ĝi konsistis el 11 komunumoj. Post komunumkunigoj la komunumaro nuntempe konistas el 8 ankoraŭ tre malgrandaj komunumoj. Pliaj komunumkunigoj tial antaŭvideblas.^[1]