Stříbro

	Stříbro
	germane Mies
	urbo
	Ponto en Stříbro
Flago	Blazono
	Oficiala nomo: Stříbro
Ŝtato	Ĉeĥio
Regiono	Regiono Plzeň
Distrikto	Distrikto Tachov
Administra municipo	Stříbro
Historiaj regionoj	Bohemio, Sudetio
Montaro	Plasa montetaro
Riveroj	Mže, Úhlavka
Situo	Stříbro
- alteco	399 m s. m.
- koordinatoj	49° 45′ 11″ N 13° 00′ 18″ O / 49.75306 °N, 13.00500 °O (mapo)
Areo	47,8 km² (4 780 ha)
Loĝantaro	8 145 (2024)
Denseco	170,4 loĝ./km²
Unua skribmencio	1183
Horzono	MET (UTC 1)
- somera tempo	MET (UTC 2)
Poŝtkodo	349 01
NUTS 3	CZ032
NUTS 4	CZ0327
NUTS 5	CZ0327 561215
Katastraj teritorioj	7
Partoj de urbo	7
Bazaj setlejunuoj	16
	Situo enkadre de Ĉeĥio Situo enkadre de Ĉeĥio
	Vikimedia Komunejo: Stříbro
	Retpaĝo: www.mustribro.cz
	Portalo pri Ĉeĥio

Koordinatoj: 49° 45′ 11″ N 13° 00′ 18″ O / 49.75306 °N, 13.00500 °O (mapo)

Stříbro (germane Mies) estas urbo en Ĉeĥio kun 8 145 loĝantoj (2024), situanta en Regiono Plzeň, sur rivero Mže, 34 km oriente de urbo Tachov. Traduko de la nomo Stříbro estas arĝento.

La najbaraj municipoj de la setlejo estas Vranov, Heřmanova Huť, Sytno, Kladruby, Benešovice, Černošín, Svojšín, Kšice, Erpužice, Záchlumí, Kostelec, Únehle, Sulislav, Hněvnice kaj Pňovany.

Historio

La unuaj mencioj pri ministaj vilaĝoj devenas el la 12-a jarcento, la urbon fondis Venceslao la 1-a. Al ĝia prospero kontribuis minado de arĝento, sed ankaŭ avantaĝa situo en komerca pado ĝis Bavario. En la jaro 1437 Stříbro estis avancigita je reĝa supera urbo. Trankvilan evoluon haltigis nur la husanaj militoj, kaj post tempo post la batalo sur Blanka Monto, kiam la urbo estis kelkfoje prirabita kaj iom post iom okazis malintensigo de la minado de arĝento. Certa reviviĝo okazis nur en la 18-a kaj la 19-a jarcentoj konekse kun minado de plumbo kaj zinko, kun konstruado de landvojoj kaj fervojo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	5 135
1880	5 547
1890	5 303
1900	5 242
1910	5 907
1921	6 167

Jaro	Loĝantoj
1930	6 523
1950	5 280
1961	5 543
1970	6 453
1980	6 801
1991	7 718

Jaro	Loĝantoj
2001	7 745
2014	7 769
2016	7 684
2017	7 705
2018	7 701
2019	7 680

Jaro	Loĝantoj
2020	7 738
2021	7 519
2022	7 430
2023	7 975
2024	8 145

Vidindaĵoj

La plej valora memorigaĵo estas renesanca urbodomo el la jaroj 1543–1589 en okcidenta flanko de la urba placo. En la urbodomo konserviĝis vico da ĉambregoj kun renesanca volbo. Multaj domoj en la placo havas barokajn frontonojn kaj fasadojn, sed iliaj kernoj estas renesancaj. El la 18-a jarcento devenas pestkolono kun 12 statuoj.

Dominaĵo de la urbo estas preĝejo de Ĉiuj Sanktuloj, devene gotika el la 14-a jarcento, kun alta prisma renesanca turo. Konsistaĵo de remparoj el la 16-a jarcento estis cilindroforma bastiono, hodiaŭ ĝi estas ekspoziciejo. Eniron en la urbon ebligis renesanca pordego kun ŝtona ponto trans rivero Mže, kiun ŝirmis unuetaĝa renesanca turo. De sude oni eniris en la urbon tra Koubkova-pordego, tra gotika unuetaĝa pordego kun ligna balkono el la 16-a jarcento.