Solovjovko (Simferopola distrikto)
| Vilaĝo en Aŭtonoma Respubliko Krimeo | ||||
| Solovjovko ruse Лесноселье ukraine Солов’ївка krime-tatare Atalıq Eli | ||||
| ||||
| Apartenas al: | Simferopola distrikto, Mazanka komunumo | |||
| Koordinatoj: | 44° 57′ N, 34° 18′ O (mapo)44.95277777777834.296666666667Koordinatoj: 44° 57′ N, 34° 18′ O (mapo) | |||
| Averaĝa alto super la marnivelo: | ~460 m | |||
| Areo: | 0,37 km² | |||
| Loĝantaro: | 74 (laŭ 2001) | |||
| Poŝtkodoj: | 97532 | |||
| Telefonkodo: | 380-652 | |||
| Hor-zono: | UTC 3 | |||
| Antaŭa nomo: | Atalik-Eli | |||
|
Oficiala paĝaro nekonata | ||||
| ||||
| ||||
Solovjovko (ruse Соловьёвка, ukraine Солов’ївка, krime-tatare Atalıq Eli) estas vilaĝo en la Mazanka komunumo de la Simferopola distrikto (Aŭtonoma Respubliko Krimeo). Laŭ la censo de la jaro 2001 en la vilaĝo loĝis 74 homoj[1].
Geografio
[redakti | redakti fonton]La vilaĝo situas en la orienta parto de la Simferopola distrikto en la valo de la rivero Beŝtereko ĉirkaŭ 11 kilometrojn oriente de Simferopolo proksime al la limo kun la Belogorska distrikto. La plej proksimaj loĝlokoj estas la vilaĝoj Opuŝko (situanta tuj proksime, ĉirkaŭ 300 metrojn okcidente) kaj Lesnoselo (situanta ĉirkaŭ 2 kilometrojn nordokcidente).
Historio
[redakti | redakti fonton]La unuaj fidindaj historiaj informoj pri la vilaĝo aperis en la jaro 1784 (sub la nomo Atalik Eli). Laŭ la informoj de la jaro 1805 la vilaĝo konsistis el 16 kortoj kaj estis loĝata de 115 homoj (ĉiuj el ili estis krime-tataroj).
Meze de la 19a jarcento la vilaĝo preskaŭ plene senhomiĝis (pro la amasa elmigro de krime-tatara loĝantaro en Turkion), tamen rekreskis fine de la jarcento (verŝajne pro la transloĝigo de kamparanoj el aliaj regionoj de Rusia Imperio). Laŭ la statistikaj dokumentoj de la jaro 1887 la vilaĝo konsistis el 14 kortoj kaj estis loĝata de 95 rusoj; proksimume samtempe estis ekuzita la nuna nomo de la vilaĝo (kiu venas de la rusa vorto solovej, kiu signifas «najtingalo»).
Dum la 20a jarcento la vilaĝo tute ne kreskis. Ekde la jaro 1965 ĝi apartenas al la Mazanka komunumo de la Simferopola distrikto.
Dinamiko de la loĝantaro
[redakti | redakti fonton]- 1805 — 105 homoj (ĉiuj — krime-tataroj)
- 1864 — 27 homoj (ĉiuj — krime-tataroj)
- 1887 — 95 homoj (ĉiuj — rusoj)
- 1989 — 74 homoj
- 2001 — 74 homoj
Nuntempo
[redakti | redakti fonton]Laŭ la rezultoj de la tutukrainia censo de la jaro 2001 en la vilaĝo loĝis 74 homoj[1] (la pli ĝisdataj pritaksoj de la jaro 2009 mencias 64 loĝantojn[2]). La areo de la vilaĝo estas 36,7 hektaroj, la kvanto de kortoj estas 44[2].
La ĉefa ekonomia branĉo de la vilaĝo estas agrikulturo. Per la busa transporto la vilaĝo estas ligita al Simferopolo kaj al la apudaj vilaĝoj.
Referencoj
[redakti | redakti fonton]- ↑ 1,0 1,1 Oficialaj informoj pri Solovjovko en la paĝaro de la ukrainia parlamento (ukraine). Alirita 2013-12-07 .
- ↑ 2,0 2,1 Urboj kaj vilaĝoj de Ukrainio — Krimeo — Mazanka komunumo (2009) (ruse). who-is-who.ua. Arkivita el la originalo je 2013-10-29. Alirita 2013-12-07 .
Ligiloj
[redakti | redakti fonton]- Oficialaj informoj pri Solovjovko en la paĝaro de la ukrainia parlamento (ukraine). Alirita 2013-12-07 .
- Urboj kaj vilaĝoj de Ukrainio — Krimeo — Mazanka komunumo (2009) (ruse). who-is-who.ua. Arkivita el la originalo je 2013-10-29. Alirita 2013-12-07 .
|
La loĝlokoj de la Simferopola distrikto | |||
|---|---|---|---|
| Urbotipaj loĝlokoj | |||
| Vilaĝoj: |
Akropolo • Aleksandrovka • Anajurto • Andrusovo • Arkadjevka • Beloglinka • Ĉajkino • Ĉajkovsko • Ĉistenko • Demjanovka • Denisovko • Divnoje • Dmitrovo • Dobro • Donskoje • Druĵno • Dubko • Fersmanovo • Fontano • Gruŝevo • Ĥaritonovka • Ivanovko • Ĵivopisnoje • Ĵuravljovka • Kamiŝinko • Kaŝtanovo • Kizilovo • Kljonovka • Klinovko • Kluĉevoje • Kluĉo • Kolĉugino • Kolodeznoje • Konstantinovko • Krasnaja Zorjka • Krasnoje • Krasnoleso • Krasnovko • Kubanskoje • Kuprino • Kurgannoje • Lazarevko • Lekarstvennoje • Lesnoselo • Levadko • Lozovo • Mazanko • Malenkoje • Meĵgornoje • Mirnoje • Moloĉno • Mramorno • Niĵnekurgannoje • Novij Mir • Novij Sad • Novoandrejevka • Novonikolajevko • Novosjolovka • Novozburjevko • Obrivo • Opuŝko • Partizansko • Peredovoje • Perevalno • Perovo • Pervomajskoje • Petropavlovko • Petrovka • Pionersko • Poĵarskoje • Privolno • Proljotnoje • Prudovoje • Ravnopolje • Radzolje • Rodnikovoje • Skvorcovo • Sofijevka • Solneĉnoje • Solovjovko • Sovĥoznoje • Spokojnoje • Storoĵevoje • Strogonovko • Suĥoreĉje • Sumskoje • Ŝafrannoje • Ŝirokoje • Teplo • Teplovka • Topolno • Triprudno • Trudolubovo • Trudovo • Ukrainko • Ukromnoje • Uroĵajnoje • Verĥnekurgannoje • Veselo • Vinnickoje • Vodnoje • Zaleso • Zareĉno | ||
| Loĝloketoj |
Ajkavano • Davidovo • Ŝkolnoje | ||