Sant'Antonino TI

Sant’Antonino
	Blazono de Sant’Antonino
	Blazono de Sant’Antonino
	Sant’Antonino vidita el la trajno de Belinzona al Lugano
	Sant’Antonino vidita el la trajno de Belinzona al Lugano
Kantono	Tiĉino
Distrikto	Belinzono
Komunumaro	Giubiasco
Koordinatoj	46° 9′ 12″ N 8° 58′ 45″ O / 46.15333 °N, 8.97917 °O (mapo)Koordinatoj: 46° 9′ 12″ N 8° 58′ 45″ O / 46.15333 °N, 8.97917 °O (mapo)
Nombro de loĝantoj	2264
Areo	6,59 km²
Alteco	226 m super marnivelo
Poŝtkodo	6592
Komunumkodo	5017
	Mapo de Sant’Antonino
	Mapo de Sant’Antonino

- La mallongigo TI en Sant'Antonino TI staras por la svisa Kantono Tiĉino. Por aliaj signifoj de la nomo vidu sub Sant'Antonino.

Sant’Antonino estas komunumo de la komunumaro Giubiasco kaj la distrikto Belinzono en Kantono Tiĉino, Svislando. Ĝi havis 2264 loĝantojn je la 31-a de decembro 2011.

Geografio

Sant’Antonino situas en la ebenenaĵo de Magadino inter Belinzono kaj Locarno kaj apartenas al la aglomeraĵo de la kantonĉefurbo Belinzono. Ĝia setlejozono kunkreskis kun la najbaraj komunumoj Cadenazzo kaj Giubiasco. La komunumo konsistas el la vilaĝo Sant'Antonino kaj la setlejoj Paiardi, Ronchi kaj Vigana^[1]

La teritorio de la komunumo etendiĝas sur areo de 6,59 km², de kiuj 43,2% estas kovritaj de arbaro, 34,1% servas por agrikulturo kaj 19,3% por setlado. ^[2]

Najbaraj komunumoj

La komunumo Sant’Antonino limas en nordo al Giubiasco, en oriento al Camorino, en sudo al Isone, en okcidento al Cadenazzo, kaj en nordokcidento al Gudo.

Trafiko

Tra Sant’Antonino pasas la kantona ĉefvojo n-ro 2 de Belinzono trans la montopasejo Monte Ceneri al Lugano, kaj la svisa aŭtovojo A2, kies alveturejo Belinzono-Sudo, situas sur la komunuma teritorio. De Sant'Antonino kondukas la kantona ĉefvojo nr-o 403 al Luino. La komunumo disponas pri haltejo ĉe la trajnlinio de Belinzono al Locarno.

Historio

La unua dokumenta mencio de Sant’Antonino datiĝas el la jaro 1219 kiel Sancto Antorino. En la regiono de Sasso estis trovitaj kelkaj tomboj el la malfrua romia epoko. Dum mezepoko la kapitolo de Belinzono kaj diversaj aliaj religiaj institucioj posedis bienojn en Sant'Antonino. Ĝis 1442 ĝi apartenis al la paroĥo Belinzono poste ĝi formis paroĥon kun Cadenazzo ĝis 1830, kia la komunumo memstariĝis.^[3]