Salvaleón

Salvaleón
municipo en Hispanio vd
Flago	Blazono
Administrado
Poŝtkodo	06174
En TTT	Oficiala retejo [ ]
Demografio
Loĝantaro	1 671 (2023) [ ]
Loĝdenso	23 loĝ./km²
Geografio
Geografia situo	38° 31′ N, 6° 47′ U (mapo)38.510296-6.7867057Koordinatoj: 38° 31′ N, 6° 47′ U (mapo) [ ]
Alto	519 m [ ]
Areo	71,8 km² (7 180 ha) [ ]
Horzono	UTC 01:00 [ ]
	Salvaleón (Provinco Badaĥozo)
	Situo de Salvaleón
	Salvaleón (Hispanio)
	Situo de Salvaleón
Alia projekto
	Vikimedia Komunejo Salvaleón [ ]
	v • d • r

Salvaleón estas municipo de Hispanio, en la provinco de Badajoz, regiono de Ekstremaduro.

La loĝantoj nomiĝas porrineros. La censita populacio en 2008 estis de 2.052 loĝantoj.

Situo

Salvaleón estas situa en la sudokcidenta parto de Ekstremaduro, je altitudo de 519 m; je 56 km de Badajoz, provinca ĉefurbo, je 88 km de Mérida, la regiona ĉefurbo kaj je33 km de Jerez de los Caballeros, la plej proksima urbo. La surfaco de ties teritorio estas de 71,8 km².

Ekonomio

Agrikulturo kaj brutobredado.

Limoj de la municipa teritorio

Salvaleón limas kun:

Almendral nordokcidente.
Nogales norde.
Salvatierra de los Barros oriente.
Jerez de los Caballeros sude.
Barcarrota okcidente.

Geografio kaj ekonomio

La vilaĝo situas inter la malferma arbaro dehesas dense loĝataj de anzinoj kaj korkokverko, kio permesis la disvolvigon de la ekstensiva brutobredado de la tipa porko nomata cerdo ibérico pere de dikigo per glanoj, iĝante unu el la ĉefaj produktistoj de Hispanio.

Salvaleón ĝuas privilegian situon en la deklivaj montetaroj de Sierra Morena, kun plej taŭga klimato por la perfekta produktado de ŝinko kaj aliaj produktoj de la cerdo ibérico. La municipo posedas komunan bienon nome Monte Porrino el kio venas la nomo de la vilaĝanoj kaj fama marko de la produktoj; tiun bienon profitas laŭvice la vilaĝanoj.

Krome ĉe la vilaĝo estas ankaŭ aliaj kultievjoj kiel tiuj de olivarbaro kaj figarbaro, krom la vitejoj kaj aliaj specioj. La kultivon de cerealo apenaŭ permesas la montara tereno.

Historio

Eble ekzistis setlejo dum la romia epoko sed ne certe. Ja estas certa setlejo kun kristana kulto en epoko de visigotoj, ĉar estis templo de la 7-a jarcento en la tereno de la aktuala preĝejo.

Dum la islama epoko la vilaĝo estis rifuĝejo de mozaraboj. Laŭ legendo en la kastelo stara sur proksima monto rifuĝiĝis Ibn Marŭan, fondinto de Badajoz. Tiu, kun la asturia reĝo Alfonso la 3-a venkis la armeon de la Emiro de Kordovo ĉe la fortikaĵo de Monsalud en la jaro 886.

En 1228 la vilaĝo estis "rekonkerita" kaj reloĝata de leonanoj. La militoj kontraŭ Portugalio en la 14-a kaj 15-a jarcentoj damaĝis la vilaĝon. En 1462 la familio Suárez de Figueroa ekposedis la senjorlandon kaj la vilaĝo ekformis parton de la Senjorlando de Feria.

Ĝi ankaŭ suferis la malbonaĵojn de la Milito de Portugala Restaŭrado, ĉar estis rabita en 1644; poste dum la Milito de hispana sukcedo en 1706 denove estis konkerita de armeo brita-nederlanda-portugala.

Vidindaĵoj

Preĝejo
Ermitejo
Dolmenoj, romiaj restaĵoj, mezepokaj tomboj
Interpretejo pri anzinaro "dehesa".

Demografio

Demografia evoluo de Salvaleón inter 1900 kaj 2007
1900	1910	1920	1930	1940	1950	1960	1970
3135	3353	3537	3679	3838	4281	4012	3005
1981	1991	1996	1999	2001	2005	2007
2349	2122	2350	2220	2173	2172	2081

Festoj

Karnavalo
Majkruco (3-a de majo).
Kamparfesto de Sankta Isidro (15-a de majo).
Festoj de Santiago (el 25-a de julio al 28-a de julio).
Festo de la Elmigrinto (15-a de aŭgusto al 20-a de aŭgusto).
Virgulino de Aguasantas (7-a de septembro kaj 8-a de septembro).