Ruĝecflugila buteo
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Ruĝecflugila buteo
| ||||||||||||||
| Biologia klasado | ||||||||||||||
| ||||||||||||||
| Butastur liventer (Temminck, 1827) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Ruĝecflugila buteo (Butastur liventer) estas rabobirdo de Azio kaj de la familio de Akcipitredoj. Ĝi estas specio de loĝantaj birdoj reproduktantaj en suda Ĉinio, Birmo, Tajlando, Kamboĝo, Laoso, Vjetnamo kaj Indonezio. Ĝi estas specio de deciduaj arbaroj kaj duarangaj ĝis 800 m.
Plenkreskulo de Ruĝecflugila buteo estas 38–43 cm longa. Ĝi havas grizajn kapon kaj subajn partojn, kun iome da strieco en krono, kolo kaj brusto. La resto de supraj partoj estas ruĝecgrizaj, kaj la supra vosto estas brilruĝeca. Dumfluge, el supre ĝi montras ruĝecbrunajn flugilplumojn kaj ruĝecan supran voston, kaj el sube ĝi havas grizan korpon, blankajn subflugilajn kovrilojn, kaj grizecajn flugilplumojn kaj subvoston. La junulo estas pli senkolora kaj pli malhelbruna, kun grizbruna kapo kaj blanka superokulo.
Tiu specio estas simila laŭ grando kaj laŭ formo al la migranta Grizvanga buteo, sed tiu specio havas pli malhelbrunajn suprajn partojn kaj voston, blankan gorĝon kaj brunstriecan blankan ventron.
La Ruĝecflugila buteo manĝas lacertojn, malgrandajn mamulojn kaj grandajn insektojn. Ties alvoko estas akra pit-piu.
Referencoj
[redakti | redakti fonton]- Birdlife International Arkivigite je 2009-01-03 per la retarkivo Wayback Machine
- Robson, Craig, A Field Guide to the Birds of Thailand ISBN 1-84330-921-1
| ||||||||||||||||||