Rivero Tyne
| Rivero Tyne | |
|---|---|
 | |
| rivero | |
| Bazaj informoj | |
| Longeco | 100 km |
| Fluo | |
| Enfluejo | Norda Maro |
| Geografio | |
| Landoj | Unuiĝinta Reĝlando (Britio) |
| Regionoj | Northumberland |
 | |
Tyne estas rivero en nordorienta Anglio, formata de la kunfluo, proksime al Hexham, Northumberland, de la Norda Tyne kaj la Suda Tyne. La kunfluejo nomiĝas la kunveno de la akvoj.
La fonto de la Norda Tyne situas ĉe la landlimo inter Anglio kaj Skotlando. Tiu de la Suda Tyne situas en Kumbrio. De Hexham la rivero fluas tra Corbridge, apartigas Newcastle-upon-Tyne de Gateshead kaj Jarrow de Wallsend, kaj eniras la Nordan Maron inter South Shields kaj North Shields. Dum la malfrua 19-a jarcento kaj la frua 20-a jarcento la malsupraj etendaĵoj de la Tyne estis grava centro de ŝipkonstruo, kaj ankoraŭ restas ŝipkonstruejoj en South Shields kaj Hebburn.
Ĉar la Tyne fluas proksime al karboterenoj, ĝi estis uzata por eksporti karbon de la 13-a jarcento al la malfrua 20-a jarcento. Nuntempe South Shields estas import-haveno por ĉirkaŭ du milionoj tunoj da karbo jare.
Alfluantoj de tiu ĉi rivero estas la riveroj Derwent kaj Dono.