Povilas Jegorovas

Povilas JEGOROVAS
	; Prezidanto de Litova Esperanto-Asocio
Persona informo
Naskiĝo	11-an de marto 1955 (69-jaraĝa); en Jauniškiai, distrikto Utena (Litovio)
Lingvoj	Esperanto
Ŝtataneco	Litovio
Alma mater	Universitato Vilno - juro (1973–1978)
Okupo
Okupo	esperantisto (1970–); advokato
Esperanto
Aliaj aktivaĵoj	advokato
Esperantistiĝis en	1970
	v • d • r

Povilas JEGOROVAS (naskiĝis la 11-an de marto 1955 en Jauniškiai, distrikto Utena) estas litova advokato kaj esperantisto.

Vivo

P. Jegorovas studis juron en Vilna Universitato (1973–1978). Li perfektrezulte defendis diploman verkon Internacia Jura Statuso de UEA.

Ekde 1978 praktikas en diversaj advokataj oficejoj de Kaunas, en 1995–1999 kaj ekde 2008 li havas sian propran advokatan oficejon.

Li estis membro de Litova Advokata Kolegio (1978–1991) kaj membro de ties konsilio kaj prezidio (1987–1995).

Familio

Patro Kazys Kunigėlis (1910–1986), patrino Marija Jegorova (1916–1967), edzino Lilija Jegorovienė (1955) estas dentoteknikistino, filino Neringa Žukauskienė (1980) – advokato, nepino Vasarė Žukauskaitė (2007)^[1].

Esperantista agado

P. Jegorovas ellernis Esperanton en 1970.

Li estas prezidanto de LitEA^[2] (ekde 1993, reelektita en 1998, 2003, 2008, 2013), komitatano A^[3] de UEA (ekde 1989), ĉefdelegito^[4] de UEA en Litovio (ekde 1993), membro de Societo Zamenhof^[5] (ekde 1994, UEA, Nederlando), membro de UEA (ekde 1978).

Ankoraŭ estante studento li ekaktivis en Esperanto-agado. Li estis prezidanto de Vilna junulara E-klubo Juneco (1974-1976), sekretario de SEJM (1975-1979), la unua vicprezidanto de Litova filio de Asocio de Sovetiaj Esperantistoj (ASE, 1979-1988), estrarano de ASE (1983-1988).

Dum 1988-1993 li oficis kiel la unua vicprezidanto de Litova Esperanto-Asocio (LitEA), estis estrarano de Universala Esperanto-Asocio (1995-1998), membo de Elekta Komisiono^[6] de UEA (2002-2005).

P. Jegorovas estis komitatano (1996–1998) de Fondumo Zamenhof en Bjalistoko (ekde 2006–2010).

Dank’ al penoj, iniciatemo, kapabloj de P. Jegorovas iaman domon de Aleksandro Zilbernik (bopatro de L. L. Zamenhof) akiris esperantistoj de Litovio (1991).

Li estis iniciatinto kaj organizinto de restarigo de Litova Esperanto-Asocio (1988) kaj ĝia membiĝo en UEA (1989).

Li organizis en Kaunas 65an kongreson de SAT (1992), estis iniciatinto kaj atingis, ke la 90a Universala Kongreso de Esperanto okazu en Vilno (2005) kaj estis prezidanto de ties LKK ^[7].

Li organizis en Litovio Baltajn Esperanto-Tendarojn (Tagojn) en 1983, 1986, 1989, 1995, 1998, 2001, 2004, 2007, 2010, 2013, 2016, 2019 , 2022..

Li zorgis pri fondo de Vilna fako de Litova Esperanto-Asocio (1999).

P. Jegorovas strebas al pli intensa integrado de Esperanto-movado en la socion, serĉas formojn por atingi tion. Vastan reeĥon ĝisatendis liaj bonege organizitaj internaciaj aranĝoj en Litova parlamento (Sejmo): la 4a Nitobe-simpozio Lingvopolitikaj aspektoj de la pliampleksigo de Eŭropa Unio (2005) kaj la unua Tutmonda Kongreso^[8] de Esperantistoj-Ĵurnalistoj^[9] (2008). Li estis prezidanto de organiza komitato de ĉi tiu kongreso.

Danke al penoj de P. Jegorovas multnombraj grupoj de esperantistoj vojaĝas al Universalaj Kongresoj. Memorindas la unua tia vojaĝo per ŝipo al la Universala Kongreso en Bergen (1991). Li mem partoprenis en Universalaj Kongresoj de Esperanto (1978, 1979, 1982, 1983, 1987-1989, 1991,1994–2009, 2011, 2012, 2015, 2016, 2018), ankaŭ ĉeestis multajn internaciajn kaj naciajn E-aranĝoj.

P. Jegorovas publikigis pli ol 3000 artikolojn en litova kaj eksterlanda gazetaro pri E-agado, partoprenas en radiaj kaj televidaj elsendoj, estis redakciano kaj unu el kompilintoj de Horizonto de Soveta Litovio (1979–1988), Litovio hodiaŭ (1987-1988) kaj Litova Stelo (1991-2005), tradukis libron Neliksi vienišas (Por la homo) de Aloyzas Urbonas kaj Kęstutis Trečiakauskas, kun A. Urbonas li verkis kaj eldonis libron Esu Esperanto eilinis (Mi estas soldato de Esperanto).

Dum la jaroj 2000–2010 sub lia iniciato, kunordigado kaj organizado estis eldonitaj en diversaj prestiĝaj eldonejoj de Litovio pli ol 100 fundamentaj libroj en litova lingvo kaj Esperanto pri internacia lingvo, interlingvistiko, esperantologio, multaj konigaj libroj pri Litovio.

Dum la jaroj 2000-2005 dank‘ al penoj de P. Jegorovas en Litovio estis organizitaj Esperanto-kursoj, kiujn gvidis spertaj instruistoj eksterlandaj: prof. Anton Zacharias (Slovakio), Ewa Bondar (Pollando), Marin Bacev (Bulgario), Aristophio Alves Filho (Brazilo), Trevor Steele (Australio) k.a. La kursojn finis pli ol 5000 homoj.

Al Litova Esperanto-Asocio, gvidata de P. Jegorovas, estis aljuĝitaj premio Cigno (1995), tiu de Fondaĵo Grabowski (1997) kaj Trofeo Fyne (2003).

Distingoj

Honoratesto de Litova Societo de Amikeco kaj Kulturaj Rilatoj kun Eksterlandoj (1987)
Titolo Internacia Ambasadoro fare de Internacia Societo de Amikeco kaj Bonvolo (Usono)^[10] (1995)
Honoratesto de Litovia ministrejo pri kulturo pro meritoj en popularigo de Litovio kaj ĝia kulturo (1999)
Honoratestoj kaj Dankatestoj ricevitaj en 2005, lige kun la 50-jariĝo kaj bona organizado de Universala Kongreso en Vilnius
- de Litovia parlamento (Sejmo)
- de Litovia Advokata Konsilio
- de Ministerio pri Kulturo
- de Ministerio pri Edukado kaj Scienco
- de urbestro de Vilnius ^[11]
- de urbestro de Kaunas
- de Kaŭna regiona administracio
Esperantisto de la Jaro (2005) fare de la gazeto La Ondo de Esperanto pro la bonega preparado kaj sukcesa realigo de la 90a Universala Kongreso de Esperanto kaj de la 4a Nitobe-Simpozio en Vilnius, pro la ekzemplodonaj rilatoj kun litoviaj aŭtoritatoj, intelektuloj kaj amaskomunikiloj, danke al kiuj Esperanto progresas en Litovio, pro la kunordigo de eldonado de gravaj libroj pri Esperanto en la litova lingvo
Premio Spegulo^[12] (2008) de internacia socikultura sendependa revuo en Esperanto Spegulo pro organizaj talentoj kaj kapablo arigi helpopretajn sponsorojn kaj laboremajn samideanojn ĉirkaŭ aranĝoj kun monda signifo (Universala Kongreso en Vilnius, 2005 kaj precipe la unua Tutmonda Kongreso de Ĵurnalistoj-Esperantistoj, 2008); ankaŭ pro aktiveco de Litova Esperanto-Asocio kaj eldonado de multnombraj libroj.
Honorinsigno Santaka de la tria grado de urbo Kaunas (2014)
Dankfolio de Litovia ministerio pri eksterlandaj aferoj (2016)
Honorsigno de Litovia ministerio de kulturo Nešk savo šviesą ir tikėk (Portu Vian lumon kaj kredu ^[13] (2017)
Parlamenta memormedalo de Gabrielė Petkevičaitė-Bitė „Tarnaukite Lietuvai“ (Servu al Litovio) por disvastigo de volontulisma kulturo en Litovio (2020)^[14].
Diplomo de UEA por la longtempa agado kiel motoro de la litova E-movado, aparte por la organizado de la Baltiaj E-Tagoj (2022) ^[15]
Honorinsigno de Litovia Advokato por elstaraj meritoj al Litovia Advokataro kaj advokata komunumo (2023). ^[16].

Verkoj

Esu Esperanto eilinis ("Mi estas soldato de Esperanto", kun Aloyzas Urbonas, 2003).
Por la homo (traduko el la litova Neliksi vienišas de Aloyzas Urbonas kaj Kęstutis Trečiakauskas, 1988).

Eksteraj ligiloj

Kategorio Povilas Jegorovas en la Vikimedia Komunejo (Multrimedaj datumoj)
Povilas Jegorovas en Vikinovaĵoj (Liberaj novaĵoj)

Intervjuo aperinta en Revuo Esperanto de julio-aŭgusto 2018 esperante
Povilas Jegorovas ricevis parlamentan medalon. Artikolo en La Ondo de Esperanto, afiŝita en 12 oktobro 2020 esperante

Notoj kaj referencoj

↑ Halina Gorecka, Aleksander Korĵenkov. Nia diligenta kolegaro: Biografioj de 200 eminentaj esperantistoj. – Kaliningrado: Sezonoj; Kaunas: Litova Esperanto-Asocio, 2018. – 320 p. – ISBN 978-609-95087-6-4
↑ Litova Esperanto-Asocio
↑ Statuto, F. Komitato. Arkivita el la originalo je 2013-06-12. Alirita 2019-06-28.
↑ Regularo pri Delegitoj. Arkivita el la originalo je 2010-06-13. Alirita 2019-06-28.
↑ Ĝenerala Regularo. Arkivita el la originalo je 2013-03-27. Alirita 2019-06-28.
↑ Elekta Regularo. Arkivita el la originalo je 2010-06-13. Alirita 2019-06-28.
↑ Loka Kongresa Komitato (vd. Kongresa Regularo de UEA Arkivigite je 2014-05-30 per la retarkivo Wayback Machine)
↑ Tutmonda kongreso de esperantistoj-ĵurnalistoj
↑ Oficiala TTT-ejo de TEĴA
↑ Paŭlo Jegorovas 50-jara, Litova Stelo, n-ro 2, 2005, p. 24
↑ ricevitaj du atestoj
↑ La statuetoj de SPEGULO aljuĝitaj unuafoje!
↑ http://sezonoj.ru/2017/12/litovio-25/
↑ Povilas Jegorovas ricevis parlamentan medalon (La Ondo de Esperanto, 12 Oktobro 2020)
↑ 12 diplomoj pri Elstara Agado aljuĝitaj en Montrealo (La Ondo de Esperanto, 16 Aŭgusto 2022)
↑ Povilas Jegorovas honorita (La Ondo de Esperanto, 13 Decembro 2023)

[1] Halina Gorecka, Aleksander Korĵenkov. Nia diligenta kolegaro: Biografioj de 200 eminentaj esperantistoj. – Kaliningrado: Sezonoj; Kaunas: Litova Esperanto-Asocio, 2018. – 320 p. – ISBN 978-609-95087-6-4

[2] Litova Esperanto-Asocio

[3] Statuto, F. Komitato. Arkivita el la originalo je 2013-06-12. Alirita 2019-06-28.

[4] Regularo pri Delegitoj. Arkivita el la originalo je 2010-06-13. Alirita 2019-06-28.

[5] Ĝenerala Regularo. Arkivita el la originalo je 2013-03-27. Alirita 2019-06-28.

[6] Elekta Regularo. Arkivita el la originalo je 2010-06-13. Alirita 2019-06-28.

[7] Loka Kongresa Komitato (vd. Kongresa Regularo de UEA Arkivigite je 2014-05-30 per la retarkivo Wayback Machine)

[8] Tutmonda kongreso de esperantistoj-ĵurnalistoj

[9] Oficiala TTT-ejo de TEĴA

[10] Paŭlo Jegorovas 50-jara, Litova Stelo, n-ro 2, 2005, p. 24

[11] ricevitaj du atestoj

[12] La statuetoj de SPEGULO aljuĝitaj unuafoje!

[13] ttp://sezonoj.ru/2017/12/litovio-25/

[14] Povilas Jegorovas ricevis parlamentan medalon (La Ondo de Esperanto, 12 Oktobro 2020)

[15] 12 diplomoj pri Elstara Agado aljuĝitaj en Montrealo (La Ondo de Esperanto, 16 Aŭgusto 2022)

[16] Povilas Jegorovas honorita (La Ondo de Esperanto, 13 Decembro 2023)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]