Pomezí

	Pomezí; (Limberk)
	germane Laubendorf
	municipo
	Preĝejo de sankta Georgo en Pomezí
Flago	Blazono
	Oficiala nomo: Pomezí
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Polička
Historia regiono	Bohemio
Montaro	Svitava montetaro
Situo	Pomezí
- alteco	575 m s. m.
- koordinatoj	49° 42′ 49″ N 16° 19′ 22″ O / 49.71361 °N, 16.32278 °O (mapo)
Katastro	25,28 km² (2 528 ha) Pomezí
Loĝantaro	1 306 (2024)
Denseco	51,66 loĝ./km²
Unua skribmencio	1265
Horzono	MET (UTC 1)
- somera tempo	MET (UTC 2)
Poŝtkodo	569 71
NUTS 3	CZ053
NUTS 4	CZ0533
NUTS 5	CZ0533 578584
Katastraj teritorioj	1
Partoj de municipo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Pomezí
	Retpaĝo: www.obecpomezi.cz
	Portalo pri Ĉeĥio

Por aliaj signifoj, bv. rigardi la apartigilan paĝon: Pomezí (apartigilo)

Koordinatoj: 49° 42′ 49″ N 16° 19′ 22″ O / 49.71361 °N, 16.32278 °O (mapo)

Municipo Pomezí situas en Ĉeĥio, regiono Pardubice, distrikto Svitavy, 5 km oriente de urbo Polička. Vivas ĉi tie 1 306 loĝantoj (2024).

La najbaraj municipoj de la setlejo estas Polička, Květná, Vendolí, Radiměř kaj Stašov.

Historio

La unua skriba mencio pri Pomezí, ĝis la jaro 1950 nomata Limberk (germane Laubendorf) devenas el la jaro 1265. En akto, per kiu reĝo Přemysl Otakar la 2-a fondas la urbon Polička, estas nomata kiel lokigisto Konrád el Levendorf (Cunradus de Lewendorf), kio estis pli malnova formo de germana nomo de la vilaĝo. El la akto rezultas, ke tiam la vilaĝo kaj fortikaĵeto Levendorf jam ekzistis.

Sub la vilaĝo estis kelkaj grandaj fiŝlagoj, el kiuj ĝis nun restis nur la malsupra.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 667
1880	1 769
1890	1 828
1900	1 840
1910	1 871
1921	1 879

Jaro	Loĝantoj
1930	1 766
1950	1 277
1961	1 323
1970	1 255
1980	1 129
1991	1 040

Jaro	Loĝantoj
2001	1 058
2014	1 226
2016	1 236
2017	1 217
2018	1 229
2019	1 247

Jaro	Loĝantoj
2020	1 249
2021	1 251
2022	1 264
2023	1 290
2024	1 306

Memorindaĵoj

Preĝejo

Preĝejo de Sankta Georgo, origine gotika el la unua duono de 14-a jarcento, estas en la jaro 1350 rememorata kiel paroĥa. Nuna preĝejo estas baroka, rekonstruita fine de la 17-a jarcento kaj sinsekve en la jaroj 1748, 1780 kaj 1942.

Ĝi estas ununava kun transepto, trilatere fermita presbiterejo kun du absidaj niĉoj je la flankoj kaj kun prisma turo en la okcidenta fronto. Fasadoj estas membrigitaj per lizenaj kadroj. En la presbiterejo estas barela volbo kun segmentoj, la ĥorejo estas ligna duetaĝa, la subtura antaŭĉambro estas volbita kruce sur krestoj.

Ekipaĵo estas rokoka el la dua duono de 18-a jarcento, la ĉefan altaron ornamas statuoj de Sankta Georgo kaj Sankta Floriano kun bildo de Sankta Georgo el la komenco de 19-a jarcento, plua bildo de Sankta Georgo estas sur la ĥorejo, orgeno estas ornamita per rokokaj lignoskulptaĵoj, baptujo devenas el la jaro 1728.

Ostejo

La ostejo, enkonstruita en tombejan muron, devenas el la 19-a jarcento, situas sur kvadrata plano, interne troviĝas bildo de Pieto. Apud la enirejo en tombejon estas du statuoj de anĝeloj el la jaro 1870.

Pluaj memorindaĵoj

la paroĥestrejo estas duetaĝa, malfrubaroka,
kapelo en malsupra parto de la vilaĝo,
vilaĝestrejo estis rekonstruita je vilaĝoficejo,
fortikaĵeto fondita de grafoj Walderode kaj grafoj el Kolovraty verŝajne nur en la 16-a jarcento estis pli malfrue rekonstruita por mastrumaj celoj; grenejo estas super la pordego ornamita per blazono datita 1692,
bieno kun subĉiela kinejo en supra parto de la vilaĝo,
multaj konservitaj malnovaj bienoj en la tuta vilaĝlongo, kvarlateraj bienoj kaj multvandaj fermitaj ĉarpentitaj garbejoj, lignoskulptita pordego ĉe la bieno n-ro 87.

Literaturo

Marek Podhorský: Pardubický kraj. Eldonis freytag & berndt, eldonejo en Prago en j. 2004.
Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.