Odry

	Odry
	germane Odrau
	urbo
	Placo kun hotelo Max en Odry
Flago	Blazono
	Oficiala nomo: Odry
Ŝtato	Ĉeĥio
Regiono	Moraviasilezia regiono
Distrikto	Distrikto Nový Jičín
Administra municipo	Odry
Historiaj regionoj	Ĉeĥa Silezio, Moravio
Montaro	Oderské vrchy
Rivero	Odro
Situo	Odry
- alteco	274 m s. m.
- koordinatoj	49° 39′ 50″ N 17° 49′ 51″ O / 49.66389 °N, 17.83083 °O (mapo)
Areo	74,08 km² (7 408 ha)
Loĝantaro	7 343 (2024)
Denseco	99,12 loĝ./km²
Unua skribmencio	1234
Horzono	MET (UTC 1)
- somera tempo	MET (UTC 2)
Poŝtkodo	742 35 ĝis 742 38
NUTS 3	CZ080
NUTS 4	CZ0804
NUTS 5	CZ0804 599701
Katastraj teritorioj	8
Partoj de urbo	9
Bazaj setlejunuoj	15
	Situo enkadre de Ĉeĥio Situo enkadre de Ĉeĥio
	Situo enkadre de Moraviasilezia regiono Situo enkadre de Moraviasilezia regiono
	Vikimedia Komunejo: Odry
	Retpaĝo: www.odry.cz
	Portalo pri Ĉeĥio

Koordinatoj: 49° 39′ 50″ N 17° 49′ 51″ O / 49.66389 °N, 17.83083 °O (mapo)

Odry estas urbo en Ĉeĥio situanta en distrikto Nový Jičín. En 2024 ĉi tie vivis 7 343 loĝantoj.

La najbaraj municipoj de la setlejo estas Jindřichov, Vražné, Větřkovice, Mankovice, Heřmanice u Oder, Heřmánky, Spálov, Fulnek, Suchdol nad Odrou, Vítkov, Jakubčovice nad Odrou kaj Bělotín.

Historio

Sur loko de devena slava vilaĝeto Vyhnanov, kiu estis unuafoje skribe menciata en la jaro 1234, estis konstruita verŝajne en la dua duono de la 13-a jarcento nova fortreso. En la 14-a jarcento Odry fariĝis jam signifa ĉirkaŭa centrejo. Dum husanaj militoj Odry estis apogpunkto, el kiu husanoj entreprenis invadojn en Silezion kaj Pollandon. La signifo de la husana Odry ascendis en la jaroj 1428 - 1432, kiam ĉi tie restadis Zikmundo Koributoviĉ, la konata litova princo kaj eksa kandidato je ĉeĥa reĝo. En la jaro 1481 la urbo estis enskribita en landajn tabulojn en Opava kaj ĝi fariĝis parto de opava princlando kaj Silezio.

En la 18-a jarcento oni minis en Odry kaj proksima ĉirkaŭaĵo plumbon kaj arĝenton. Jam en 1774 ĉi tie estis fondita fabriko por lana varo kaj ekde duono de la 19-a jarcento evoluis teksado. En la jaro 1866 ĉi tie komencis funkcii unua fabriko por gumo en la respubliko.

La nomo

La nomo de urbo Odry en la tuta historio ofte ŝanĝiĝis. En la jaro 1374 ĝi estas konata kiel in oppido nostro Odra (laŭvorte: en urbo de nia Odro), kio eble ne estis la vera nomo, sed verŝajne evoluis el tiu ĉi nomo en la jaro 1409 Odrae, poste en la jaro 1428 Odr, poste Odrau, kiu estis unuafoje uzita inter jaroj 1592 - 1588, Oderburgk iam en la jaro 1583, Odera dufoje en la jaroj 1584 kaj 1588, Odraw en 1608. La formon Odry oni komencis uzi dekomence de la 17-a jarcento.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	7 558
1880	7 010
1890	7 343
1900	7 496
1910	7 625
1921	6 644

Jaro	Loĝantoj
1930	7 112
1950	5 893
1961	6 617
1970	6 769
1980	7 311
1991	7 401

Jaro	Loĝantoj
2001	7 444
2014	7 361
2016	7 308
2017	7 291
2018	7 236
2019	7 227

Jaro	Loĝantoj
2020	7 285
2021	7 009
2022	7 274
2023	7 424
2024	7 343

Partoj de urbo

Odry – preskaŭ la tuta katastro, samkiel ankaŭ la tuta konstruareo situas en Silezio, sed kelkaj parceloj en la orienta rando de la katastro mem situas en Moravio
Dobešov – situas en Silezio
Kamenka – situas en Silezio
Klokočůvek – situas en Silezio
Loučky – situas en Silezio
Pohoř – preskaŭ la tuta katastro situas en MOravio, kelkaj parceloj en la okcidenta rando de la katastro mem situas en Silezio
Tošovice – situas en Silezio
Veselí – situas en Silezio
Vítovka – situas en Silezio

Memorindaĵoj

Preĝejo de sankta Bartolomeo
Eksa kastelo
Urba memoriga zono

Signifaj naskiĝintoj

Al la historio de urbo apartenas ankaŭ signifaj lokaj naskiĝintoj:

PhDr. JUDr. Heinrich Jan Demel (1808-1867) - matematikisto, astronomo, ekde la jaro 1850 direktoro de Tereziana akademio en Vieno.
Inĝ. Eduard Gerlich (1836-1904) - technikisto kaj konstruisto de plimulto de aŭstriaj kaj svisaj montaraj fervojoj, profesoro de politekniko en Zuriko.
Profesoro Anton Rolleder (1855-1912) - loka historiisto
Emil Zimmermann (1861-1932) - signifa viena skulptisto