Nova improvizadmuziko

Tara Bouman en Castello del Buonconsiglio (foto de Stefania Endrici)

Nova improvizadmuziko estas ludmanieroj kaj -formoj de improvizadmuziko, kiuj ekestis sub la influo de John Cage ekde la mezo de la sesdekaj jaroj ĉefe en Eŭropo kaj parte el la ĵazo.

La termino

La termino, ofte nur reduktita al improvizita muziko, establiĝis por multeco da muzikformoj, en kiuj improvizo tenas gravan rolon: libera ĵazo, limregionoj de la Nova Muziko kaj ankaŭ eksperimenta rokmuziko. En 1963 Larry Austin fondis kiel unuan improvizadensemblon de Nova Muziko la ensemblon New Music Ensemble, kiu ekzistis ĉe la Kalifornia Universitato je Davis ĝis 1968. Kiel aliaj improvizadensembloj ekestis en 1964 la Gruppo di Improvvisazione Nuova Consonanza kaj AMM. Ĉi tiuj improvizadensembloj ekestintaj en la sesdekaj jaroj donis, samkiel la ensemblo Musica Elettronica Viva kaj New Phonic Art, fondita de Vinko Globokar kune kun Michel Portal, la spontanan al la Nova Muziko.

Intertempe la nova improvizadmuziko malproksimiĝis pro la sekvatempe evoluintaj ludopraktikoj kaj pro la estetikaj influoj de elektronika muziko de la naŭdekaj jaroj preskaŭ plene de la estetiko de ĵazo. La muzikistoj uzas tre ampleksan materialstokon el nuntempaj ludoteknikoj, bruoj kaj tre subjektivaj, individuaj traktadoj de instrumentoj. Ankaŭ meminventitaj instrumentoj (ekz. de Michel Waisvisz aŭ Hans Reichel) ludas certan rolon. Multaj nuntempaj komponistoj de Nova Muziko serĉas inspirojn de la ofte tre kapricaj ludoteknikoj kaj songeneradoj, kiujn improvizantoj trans jaroj mem evoluis. Apartaj formoj de nova improvizadmuziko estas libera improvizadmuziko kaj intuicia muziko.

Ĉefaj reprezentantoj

Burkhard Beins: perkutinstrumentoj John Wolf Brennan: piano, preparita piano Lindsay Cooper: fagoto Axel Dörner: trumpeto Christy Doran: gitaro Jean-Pierre Drouet: frapinstrumentaro Karlheinz Essl la pli juna: elektroniko Fred Frith; gitaro Gunda Gottschalk: violono Barry Guy: kontrabaso Peter Michael Hamel: piano, orgeno, muzikklavariloj Tristan Honsinger: violonĉelo Hans Koch: basklarneto Joëlle Léandre: kontrabaso Paul Lovens: perkutinstrumentoj

Phil Minton: voĉo, trumpeto Wolfgang Mitterer: orgeno, piano Theo Nabicht: klarneto Pauline Oliveros: akordiono Evan Parker: sopran- & tenorsaksofono Eddie Prévost: frapinstrumentaro Annemarie Roelofs: trombono Keith Rowe: gitaro Robyn Schulkowsky: perkutinstrumentoj Richard Teitelbaum: sintezilo John Tilbury: piano Bertram Turetzky: kontrabaso Frances-Marie Uitti: violonĉelo, voĉo Fred Van Hove: piano, orgeno, akordiono, komponado Phil Wachsmann: violono

Eksteraj ligiloj

• European Free Improvisation Pages Arkivigite je 2012-02-26 per la retarkivo Wayback Machine
• Improvizado pri Improvisation: Karlheinz Essl la pli juna kaj Jack Hauser improvizas pri improvizadkonceptoj

Kelkaj diskeldonejoj

Sonportiloj kun improvizita muziko aperas je diskeldonejoj kiel FMP, Emanem Records, HatHut Records, Instant Composers Pool, Matchless Recordings, NURNICHTNUR, CHARHIZMA, Creative Works Records, altrisuoni, FOR4EARS aŭ Intakt Records.