Nigra abelmanĝulo

Kiel legi la taksonomion Nigra abelmanĝulo
Nigra abelmanĝulo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Koracioformaj Coraciiformes Familio: Meropedoj Meropidae Genro: Merops Specio: M. gularis
Dunomo
Merops gularis (Shaw, 1798)
Konserva statuso
Konserva statuso: Malplej zorgiga
Aliaj Vikimediaj projektoj

The Nigra abelmanĝulo (Merops gularis) estas preskaŭpaserina birdo de la familio Meropedoj aŭ abelmanĝuloj. Ĝi reproduktiĝas en centra kaj suda Afriko. Ĝi estas ege diferenca al aliaj abelmanĝuloj laŭ koloro, ĉar estas ĉefe nigra, kiel la nomo indikas.

Aspekto

Kiel aliaj abelmanĝuloj, estas svelta birdo, sed malkiel tiuj estas ĉefe nigra kun skarlatruĝaj gorĝo kaj mentono, striita de nuancoj brusto kaj helbluaj brovo, ventro, subvostaj kovriloj kaj pugo, kun ruĝecaj unuarangaj kovriloj. La okulo estas ruĝa. Kompreneble ne aperas kontrasta nigra traokula strio, kiel ĉe plej parto de abelmanĝuloj.

Distribuado

Tiu specio troviĝas en la regionoj de la landoj de la Golfo de Gvineo al la baseno de la rivero Kongo, tio estas de atlantika meza Afriko, nome Angolo, Kameruno, Centrafrika Respubliko, Respubliko Kongo, Kongo Kinŝasa, Eburbordo, Ekvatora Gvineo, Gabono, Ganao, Gvineo, Gvineo-Bisaŭo, Liberio, Niĝerio, Sieraleono, Togolando, kaj Ugando.

Subspecioj

Estas du subspecioj

• M.g.gularis - El Sieraleono al sudorienta Niĝerio - Kun blua frunto, kaj distingiga brila kobaltoblua brova strio. Kelkaj birdoj el sudorienta Niĝerio kaj okcidenta Kameruno estas intermezaj inter tiu kaj M.g.australis
• M.g.australis - El sudorienta Niĝerio al nordorienta Kongo Kinŝasa, sude al norda Angolo. - Ne estas superbrova strio; frunto nigra, foje kun kelkaj bluaj plumoj; la hellazuraj strioj en brusto kaj eĉ en ventro estas foje skarlatpintaj. La flugiloj estas 5mm pli longaj ol la nomiga subspecio.

Referencoj

• Fry, Fry kaj Harris, Kingfishers, Bee-eaters and Rollers (1992) ISBN 0-7136-1410-8
• BirdLife International 2004. Merops gularis. 2006 IUCN Ruĝa Listo de Minacataj Specioj. 24a Julio 2007.