Norvega Esperantista Ligo
Norvega Esperantista Ligo | |
---|---|
Norsk Esperanto-Forbund | |
![]() | |
Lando | ![]() |
Tipo | landa Esperanto-asocio |
Fondiĝo | 1911 |
Interretejo | esperanto |
La Norvega Esperantista Ligo (NEL, norvege Norsk Esperanto-Forbund) estas Esperanto-organizo, kie ĉiu laboro okazas senpage. La Ligo estas vivtenata de la membraj kotizoj. Ĉiu ajn kiu volas, rajtas membriĝi. En 2008 Norvega Esperantista Ligo havis 196 membrojn: 43 rektaj membroj kaj 153 anoj de la naŭ aliĝintaj Esperantokluboj en diversaj norvegaj urboj.
La asocio havas oficejon en Olaf Schous vei 18 en Oslo. Tie okazas i.a. preskaŭ ĉiuj kunvenoj de Klubo Esperantista en Oslo. La oficeja telefono estis uzata por interkonsiliĝoj de la estraroj de NEL, de la Oslo-klubo kaj de la Eldonejo.
La junulara fako de NEL estas Norvega Junularo Esperantista.
Agadoj
[redakti | redakti fonton]Gazetoj
[redakti | redakti fonton]Norvega Esperantista Ligo kaj ties suborganizo Norvega Junularo Esperantista regule eldonas la jenajn organojn:
- Norvega Esperantisto, membrogazeto,
- Inter Ni Dirite, membrogazeto por la junularo,
- kaj, intertempe nur ciferece, per la retejo Twitter, sed antaŭe multajn jarojn ankaŭ papere, la nacilingvan novaĵbultenon Esperanto-nytt
Historie ankaŭ eldoniĝis:
- Esperanto-Bladet., fondita en 1932; formato 30x20 cm. Redaktis Honoratus Bonnevie.
Landaj Kunvenoj
[redakti | redakti fonton]Super la estraro staras la Landa Kunveno, kiu faras/ŝanĝas la statuton de la asocio kaj difinas la taskojn de la estraro. La Landa Kunveno (LK) estas malferma por ĉiuj membroj de NEL. Ĝi okazas almenaŭ unu fojon ĉiun duan jaron, kutime dum Landa Kongreso aranĝata/gastigata de unu el la norvegaj E-kluboj.
- LK 2011 en Tromsø
- LK 2009 en Os
- LK 2007 en Trondheim
- LK 2005 en Morokulien
- LK 2003 en Klepp
- LK 2001 en Oslo
- LK 1999 en Fana
- LK 1997 en Malvik
- LK 1995 en Budor
- LK 1993 en Skjeberg
- LK 1991 en Trondheim
- LK 1989 en Haugesund
Strukturo
[redakti | redakti fonton]Estraro
[redakti | redakti fonton]En 2022-2023, la estraro estas[1]:
- Prezidanto: Bård Hekland, Bergen
- Vicprezidanto: Jardar Eggesbø Abrahamsen, Trondheim
- Sekretario: Marianne Lund, Tromsø
- Kasisto: Claude Rouget, Tromsø (ekde somero 2019)
- Estrarano: Lars Sandbakk, Sandnes
La estraro 2016-2017 estis[2]:
- Prezidanto: Mario Machlik (ankoraŭ oficis en septembro 2021)
- Vicprezidanto: Jardar Eggesbø Abrahamsen, Trondheim (daŭre oficas en printempo 2023)
- Kasisto: Anne Karin Bondhus, Bryne (mortis en junio 2019)
Honoraj membroj
[redakti | redakti fonton]- Honoratus Bonnevie, Oslo (ekde 1928)
- Ottmár Fischer, Hungario (ekde 1932)
- Rosa Bye, Oslo (ekde 1945)
- Ole Brochmann Sletterød, Oslo (ekde 1947)
- Ragnvald Rian, Trondheim (ekde 1949)
- Hartvig Andersen, Barkåker en komunumo Tønsberg (ekde 1952)
- Aagot Sletterød, Oslo (ekde 1967)
- Bjørn Ottesen, Oslo (ekde 1967)
- Tharald Dybing, Oslo (ekde 1969)
- Rolf Bugge Paulsen, Oslo (ekde 1969)
- Halfdan Karterud, Trondheim (ekde 1971)
- Carl Støp-Bowitz, Oslo (ekde 1979)
- Tom Arbo Høeg, Oslo (Asker) (ekde 1991)
- Elna Matland, Bergen (ekde 2001)
- Signe Korstvedt, Oslo (ekde 2001)
Antaŭaj prezidantoj
[redakti | redakti fonton]- Jardar Eggesbø Abrahamsen
- Ulf Lunde (2003–2005)
- Torstein Kvakland (1995–2003)
- Per Johan Krogstie (1991–1995)
- Elna Matland (1985–1991)
- Kjell Gustavsen (1981–1985)
- John Berggreen (1977–1981)
- C. Støp-Bowitz (1947–1977)
- Rolf Bugge Paulsen (1919–1947)
- Bruno Riefling (1918)
- Einar Schibbye (1913–1918)
- Honoratus Bonnevie (1912–1913)
- Søren Engesgaar Christie (1911–1912)
Historio
[redakti | redakti fonton]En la 60-aj kaj 70-aj jaroj NEL havis Informan Fakon. Komisiito estis Ludvig Anjer. Okazis en la 60-aj jaroj interalie vasta subskriba kampanjo kaj regula dissendado de gazetaraj informoj.
En 1982 transprenis tiun fakon Ove Kjønsvik, junulo en Trondheim, kaj kiam li forlasis la landon en 1985, li lasis la fakon al Douglas Draper, kiu samjare revivigis Esperanto-nytt.
En 1983 oni aranĝis seminarion pri informado lige kun la landa kongreso en Drammen. Kaj en novembro 1984 la informa fako aranĝis tuttagan diskuton[3].
En la landa kongreso en 1995 oni reorganizis la laboron de NEL en tri sekcioj: pri informado, instruado kaj prizorgado de la membroj. La anoj de la sekcio pri informado estis Torstein Kvakland kaj Christian Fossen.
Du jarojn poste, en 1997, oni konstatis ke tiuj sekcioj ne bone funkcias, pro manko de sufiĉaj laborfortoj, kaj malfondis ilin. La estraro dividis inter si la kunordigan respondecon: Torstein Kvakland iĝis kunordiganto de informado, dum Otto Prytz respondecis pri kontaktoj kun gazetoj, radio kaj televido kaj Bjørn Thuv pri rilatoj kun aliaj organizoj.
Bjørn Thuv forlasis la estraron en 1999 kaj ekde septembro tiujare Christian Moe transprenis la responson pri informado al la amaskomunikiloj. Sed post kiam la postan jaron ankaŭ li forlasis la estraron, neniu havas apartan responson por tiu kampo.
Cetere, prizorganto de Gazetara Servo (kiu kolektu kaj registru artikolojn pri E-o en norvegaj gazetoj) estas Torstein Kvakland. En junio 2000 la estraro lanĉis reorganizon de tiu servo, komisiante al Asbjørn Lindh kaj Douglas Draper la serĉadon kaj kolektadon de gazetaj artikoloj. La arĥivo restas ĉe Torstein Kvakland.
Pli frue ĝi ankaŭ dissendis novaĵojn. Ekz-e en la jarraporto 1971 ni legas ke ”Gazetara Servo, gvidata de Elna Matland, elsendis al ĉiuj norvegaj ĵurnaloj 11 bultenoj[n] kun sume 30 novaĵoj pri Esperanto, parte pere de lokaj reprezentantoj…”.
Referencoj
[redakti | redakti fonton]- ↑ retejo de NEL, arkivigite je la stato 16-a de februaro 2023
- ↑ Norvega Esperantisto n-ro 3/2016, junio 2016
- ↑ Norvega Esperantisto 6/1984, p. 12-15
Vidu ankaŭ
[redakti | redakti fonton]- Norvegio:Esperanto-movado, pri la cetera historio de la Norvega Esperantista Ligo
Eksteraj ligiloj
[redakti | redakti fonton]- Retpaĝaro de la asocio
- La ĝenerala adresaro de la asocio Arkivigite je 2004-10-16 per la retarkivo Wayback Machine
- Kontaktpaĝo por NEL Arkivigite je 2004-10-14 per la retarkivo Wayback Machine
|