Muzeo Munch
La muzeo Munch (norvege Munchmuseet) estas muzeo lokita en Oslo, la ĉefurbo de Norvegio. Ĝi estas dediĉita al la verkoj kaj vivo de la pentristo Edvard Munch.
La muzeo estis financita danke al la enspezoj de la oslaj municipaj kinejoj, kaj estis oficiale inaŭgurita en 1963 por celebri la 100-an datrevenon de la naskiĝo de la pentristo. Ĝia kolekto konsistas el verkoj kaj variaj artaĵoj heredigitaj de Munch al la municipo de Oslo. Estas krome aliaj verkoj donitaj de lia fratino Inger Munch aŭ akiritaj per interŝanĝoj de duplikaĵoj, ktp... La muzeo konsekvence prezentas hodiaŭ pli ol unu duonon de la tuta verkaro de la artisto, tio estas 1 000 pentraĵoj, 2 240 libroj, ses skulptaĵoj kaj aliaj variaj aĵoj.