Serravalle TI

Serravalle
	Ludiano Malvaglia; Semione
	Blazonoj de Serravalle
	Ruiono de la Kastelo Serravalle
	Ruiono de la Kastelo Serravalle
Kantono	Tiĉino
Distrikto	Blenio
Komunumaro	Malvaglia
Koordinatoj	46° 24′ 36″ N 8° 58′ 38″ O / 46.41000 °N, 8.97722 °O (mapo)Koordinatoj: 46° 24′ 36″ N 8° 58′ 38″ O / 46.41000 °N, 8.97722 °O (mapo)
Nombro de loĝantoj	1994
Areo	96,92 km²
Alteco	389 m super marnivelo
Poŝtkodo	6713 Malvaglia; 6714 Semione ; 6721 Ludiano
Komunumkodo	5050
	Mapo de Serravalle
	Mapo de Serravalle

Serravalle estas komunumo de la Komunumaro Malvaglia kaj la Distrikto Blenio en Kantono Tiĉino, Svislando. Ĝi havis 1994 loĝantojn laŭ la ciferoj de la 31-a de decembro 2011. Ĝia ĉefloko estas Malvaglia.

Geografio

Serravalle situas en la suba parto de la Valo de Blenio kaj etendiĝas en oriento al la Valo de Malvaglia, en kies centro troviĝas baraĵlago. La komunumo konsistas el la vilaĝoj Ludiano, Malvaglia, Semione kaj la vilaĝetoj kaj setlejoj Brugaio, Mirì, Muncrech, Navone, Orino, Pontei, Rongie, Scarp, Scatèd, Sciarcè kaj Tagnugna, kaj multnombraj alpopaŝtejoj.^[1]

La teritorio de la komunumo etendiĝas sur areo de 96,92 km², de kiuj 44,8% estas kovritaj de arbaro, 13,8% servas por agrikulturo kaj 1,8% por setlado, pli ol 40% de la komunuma teritorio konsistas el altmontara dezerto.^[2]

Najbaraj komunumoj

La komunumo Serravalle limas en nordo al Blenio, en nordoriento al Mesoko (GR), en oriento al Rossa (GR), en sudo al Biasca, en sudsudokcidento al Pollegio, en okcidento al Bodio, kaj en okcidento al Sobrio.

Trafiko

Tra Serravalle pasas la kantona ĉefvojo n-ro 416 de Biasca trans Lukomagno-Pasejo al Disentis. Pere de poŝtaŭtolinioj laŭlonge de la pasejovojo kaj al la flankaj valoj la komunumo estas konektita al la publika transportreto.

Historio

La unua dokumenta mencio de Ludiano datiĝas el la jaro 1211 kiel Luguilano^[3]; la unua mencio de Malvaglia datiĝas el la jaro 1205 kiel Malvallia ^[4]; la unua mencio de Semione datiĝas el la jaro 1192 kiel Xamiono^[5].

La hodiaŭa komunumo Serravalle estis kreita kun efiko de la 1-a de aprilo 2012 per kunigo de la ĝis tiam aŭtonomaj komunumoj Ludiano, Malvaglia kaj Semione. Por la nova komunumo estis akceptita la nomo de la Kastelo Serravalle, kies ruino situas norde de Ludiano kaj estas la rekonilo de la komunumo.^[6]

Vidu ankaŭ

Aliaj signifoj de Serravalle

Notoj kaj referencoj

Eksteraj ligiloj

Kategorio Serravalle TI en la Vikimedia Komunejo (Multrimedaj datumoj)

Oficiala retejo de la komunumo Serravalle

Vidu ankaŭ en la Vikimedia Komunejo la kategorion Serravalle – (Kolekto de bildoj kaj plurmediaj dosieroj)

Bildoj

Preĝejo Santa Maria del Castello en Semione
Malvaglia kun preĝejo

[1] Fonto: Reta mapo 1:20000 de Swisstopo^{[rompita ligilo]}

[2] Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 1-an de majo 2013 (sumoj de Ludioano, Malvaglia kaj Semione)

[3] Fonto: Sonia Fiorini: Ludiano en Historia Leksikono de Svislando (2009-10-15)

[4] Fonto: Sonia Fiorini: Malvaglia en Historia Leksikono de Svislando (2009-08-04)

[5] Fonto: Francesca Corti: Semione en Historia Leksikono de Svislando (2011-11-30)

[6] Fonto: Sonia Fiorini kaj Francesca Corti: Serravalle en Historia Leksikono de Svislando (2012-10-31)

[1]

[2]

[3]

[4]

[5]

[6]