Mira (Koimbro)

Ĝemelurboj
	Lagny-sur-Marne vd

Mira
urbo de Portugalo (1442 (Gregoria)–); municipo de Portugalio vd
Flago	Blazono
Administrado
Ĝemelurboj
	Lagny-sur-Marne vd
Poŝtkodo	30701
En TTT	Oficiala retejo [ ]
Demografio
Loĝantaro	12 465 (2011) [ ]
Loĝdenso	100 loĝ./km²
Geografio
Geografia situo	40° 26′ N, 8° 44′ U (mapo)40.428472222222-8.73625Koordinatoj: 40° 26′ N, 8° 44′ U (mapo) [ ]
Areo	124,03 km² (12 403 ha) [ ]
Horzono	UTC±00:00 [ ]
	Mira (Portugalio)
	Situo de Mira
Alia projekto
	Vikimedia Komunejo Mira, Portugal [ ]
	v • d • r

Mira estas portugala urbeto en la distrikto Koimbro, Centra regiono kaj subregiono Região de Coimbra, kun ĉirkaŭ 7 300 enloĝantoj.

Mira estas sidejo de municipo Mira kun 124,03 km² kaj 12 114 enloĝantoj (2021), subdividita en kvar fregezioj. La municipo limas norde kun Vagos, oriente kaj sude kun Cantanhede kaj okcidente estas marbordo al Atlantiko.

Historio

La areo estis loĝata ekde la prahistorio, kion atestas ŝtonilaj restaĵoj kaj ankaŭ romianoj koloniigis la zonon, pro kio atestas disaj restaĵoj. Ankaŭ dum la epoko de Al-Andalus estis loĝado en la municipo, kun forta ĉeesto de mozaraboj. Mira aperas menciita en donaco kiun la unua guberniestro de Koimbro, nome la mozaraba Sisnando, faris en 1094 al la novaj loĝantoj de Montemor-o-Velho, al kiuj donis la terojn de Mira por ties kultivado. Tiun posedon konfirmis en 1095 Dom Raimundo kaj Dona Urraca, tiam Senjoroj de Portucale, al Soleima Godinho.

En 1442, Dom Pedro, regento de Portugalio kaj Duko de Koimbro, donis municipan aŭtonmecon al Mira kaj privilegiojn por fiksi loĝantojn. Mira ricevis foruon de Dom Manuel kun kategorio de vila (urbeto) en la 27a de Aŭgusto 1514 kaj nomis administranto kaj senjoro de la urbeto Dom Gonçalo de Tavares. Poste, Dom Manuel de Sousa Tavares sukcedis kaj la Senjorlando de Mira restis en la familio Tavares ĝis la 18-a jarcento, kiam pasis al la Casa das Rainhas. Kaj tiel ĝi restis ĝis la nuligo de la senjorlanda reĝimo en 1833.

Dum la 19-a jarcento okazis administraciaj reformoj. Mira, tradicie ligita al Koimbro, apartenis administracie tamen al la distrikto Aveiro, ekzemple en 1839, dum en 1852 al la komarko de Anadia. En 1853, dekreto de 31a de decembro metis la municipon Mira en la Distrikton Koimbro. En 1867 kaj 1895 oni nuligis por tre mallonge la municipon, kiu dufoje rekuperis sian aŭtonomecon.