Miensimbolo
Miensimbolo[1][2], mienvinjeto[1][2] aŭ mieneto[1][2] estas kombino de tipografiaj signoj uzata por esprimi senton aŭ nuanci frazon je Interreto, babilejo, poŝtelefon-mesaĝumado (SMS) ktp.
Pluraj lingvoj uzas la vorton emoticon [emOtikon] ("emocia simbolo"), inter esperantlingvaj komputilistoj oni ĝin ofte simple nomas mieno, sed oni ankaŭ povas uzi la vorton emociikono (emocio ikono).
Pro la fakto, ke multaj ne-lingvaj gestoj perdiĝas en ne-vid-al-vida komunikado, miensimboloj ekestis kaj evoluis dum la mallonga erao de Interreto.
La plej kutima miensimbolo estas: :-) nomata ankaŭ ridetulo. Ĝi esprimas senton de gajo, ĝojo (rigardu ĝin klininte la kapon maldekstren por kompreni). Alia ofta mieno estas :-( kiu esprimas malan senton.
Tiuj apartenas al la tielnomataj plenaj mienoj, t. e. mieno konsistanta el almenaŭ 3 signoj. Neplenaj mienoj estas interalie :) kaj :(.
Iritiĝinte pro la bezono ĉiam kap-klini por ĝuste rigardi la signojn, iuj japanoj ekuzis Japanajn miensimbolojn, kiuj rekte "staras" kaj pli bone respegulas orient-azian esprimmanierojn. Ekzemploj estas: (^_^) "ĝojo" kaj \(^_^)/ "venkinteco, hura!".
En la rusa lingvo kaj en aliaj lingvoj de la eksa Sovetunio oni ofte uzas eĉ pli simplajn miensimbolojn, nome ) por ĝojo kaj ( por la malo, kiujn oni povas ripeti por plifortigi ilin. Ofte oni do uzas ))) aŭ (((.
Listo de oftaj kaj malpli oftaj miensimboloj
[redakti | redakti fonton]| Mieno | Signifo |
| :-) | Ĝojo, Gajo |
| :) | simpla feliĉa aŭ rideto |
| :-)) | Ĝojego |
| :-D | Granda rideto |
| :'-) | Feliĉo |
| :-( | malkontento |
| :( | Malĝojo |
| :-(( | Malĝojego |
| :-> | Moketanta rideto |
| ;-) | Amindumado (per palpebrumoj), indikumado, okulsigno |
| :'( | Plorado |
| >:-( | Furiozo |
| :-/ | Eta malkontento ; dubo |
| Ne gravas | |
| :-o | Miro |
| :-O | Granda miro |
| 8-O | grandega miro |
| :S | konfuzata |
| :P | ellanganta |
| :[ | deprimita |
| :-] | Stulteco |
| :-* | Kiso |
| B-) | Mi portas ŝirm-okulvitrojn. |
| 8-) | Mi portas okulvitrojn. |
| :-! | Mi fum(em)as. |
| :-? | Mi fum(em)as perpipe. |
| 8:-) | Mi portas har-banton. |
| :-)8 | Mi estas ino. |
| :-):- | Mi estas viro. |
| :-) | Mi portas ĉapelon. |
| -) | Mi portas tradician orient-aziecan kampar-ĉapelon. |
| :-)= | Mi havas barbon. |
| }:-) | Mi havas imponan hararon. |
| (:-) | Mi ne havas multe da haroj. |
| :-[ | Mi estas vampiro. |
| (-: | Mi loĝas en suda duonsfero. Mi estas maldekstrulo. |
| :-)* | Mi estas esperantisto. |
| (8-)=* | Mi estas Zamenhof. |
| ;;;-)) | Okulsignas BA4jo, t.e. la profilbildo de Beletra Almanako. |
Origino
[redakti | redakti fonton]Je 1982, en komputila diskutejo ĉe Carnegie-Mellon University, oni rimarkis, ke ŝercaj rimarkoj estis miskomprenataj seriozaj. Oni ekproponis manierojn marki humuron aŭ ironion. Scott E FAHLMAN proponis la 19-an de septembro, 1982 ekuzi :-) kaj :-(. Je 2002, Jeff BAIRD laboregis por serĉi, ĉu tiu mesaĝo estis inter malnovaj ŝirmokopioj kaj teamo sukcesis rehavigi ĝin la 10-an de septembro.
Vidu ankaŭ
[redakti | redakti fonton]Referencoj
[redakti | redakti fonton]- ↑ 1,0 1,1 1,2 Laŭ Komputiketo pri la kapvorto "emoticon"
- ↑ 2,0 2,1 2,2 Laŭ Reta Vortaro pri la kapvorto "emoticon" Arkivigite je 2021-04-08 per la retarkivo Wayback Machine
Eksteraj ligiloj
[redakti | redakti fonton]- Scott E. Fahlman rakontas, kiel li kreis :-) kaj :-( (angle)
- La mesaĝo, per kiu Fahlman proponis :-) kaj :-( (angle)
- Emoticons[rompita ligilo]
| Babileja parolado |
|---|
| Ĉefaj artikoloj: Miensimbolo, Mallongigoj_uzataj_en_babilejo Vidu ankaŭ la artikolon pri la SMS-slango |