Ĝi konsistas el ses metrolinioj enhavantaj totalan longon de 176 kilometroj (109 mejloj), kun 85 stacioj. La projekto kostos $22,5 miliardojn por konstruado. Linioj 1, 4 kaj 6 estis malfermitaj la 1-an de decembro2024; linioj 2 kaj 5 estas malfermotaj la 15-an de decembro2024; linio 3 estas malfermota la 5-an de januaro2025.
Tio estas la dua metrosistemo en Sauda Arabio, post la metrolinio Al Mashaaer Al Mugaddassah por Haĝo-pilgrimantoj en Mekko, kiu malfermiĝis en novembro 2010, kvara sur la Araba Duoninsulo, sesa en la Araba Mondo, kaj dekkvina en Mezoriento.
Siemens liveras 45 4-veturilajn trajnarojn Inspiro por Linio 1 kaj 29 2-veturilajn arojn por Linio 2. La unua estis montrita en Vieno la 23-an de februaro2016.
Bombardier (pli poste Alstom) liveros 47 du-veturilajn trajnarojn Innovia Metro 300 por Linio 3.
Alstom liveros 69 trajnarojn Metropolis por linioj 4, 5 kaj 6 de la Metroo de Riado. La unua trajnaro estis transdonita al ADA en marto 2017. Ĉiu trajnaro longas 36 metrojn kaj povas veturigi maksimume 231 pasaĝerojn. Trajnoj estas dividitaj en tri klasojn - unua, familia, kaj unuopula - apartigitajn per vitraj sekcioj.
Sauda Arabio
