Maltolo

Vidu ankaŭ: Etila maltolo, Izomaltolo, kaj Alomaltolo

2-Metila-3-hidrokso-4-piranono
Kemia formulo	C6H6O3
Bastona kemia strukturo de la Maltolo
Tridimensia kemia strukturo de la Maltolo
Maltolo ĉeestas en la ŝelo de la Larix decidua.
Alternativa(j) nomo(j)
Hidrokso-metilpiranono Metilmaltolo Malteno
CAS-numero-kodo	118-71-8
ChemSpider kodo	8066
PubChem-kodo	8369
Fizikaj proprecoj
Aspekto	senkolora aŭ blanka solidaĵo kun agrabla odoro
Molmaso	126,11184 g mol−1
Denseco	1,348 g/cm−3
Fandpunkto	162°C
Bolpunkto	284,7°C
Refrakta indico	$n_{761}^{20}$ 1,5610
Ekflama temperaturo	124,8°C
Solvebleco	Akvo:12 g/L Solvebla en propilena glikolo, alkoholo kaj kloroformo
Mortiga dozo (LD50)	1410 mg/kg (buŝe)
GHS etikedigo de kemiaĵoj
GHS Damaĝo Piktogramo
GHS Signalvorto	Averto
GHS Deklaroj pri damaĝoj	H270, H301, H312, H330, H302
GHS Deklaroj pri antaŭgardoj	P264, P270, P301 317, P330, P501
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Maltolo estas organika kombinaĵo rezultanta el interagado de la 4-Pirono, metila klorido kaj hipoklorita acido. Ĝi estas senkolora aŭ blanka solidaĵo kun agrabla odoro, solvebla en akvo. Maltolo posedas 6 karbonatomojn, 6 hidrogenatomojn kaj 3 oksigenatomojn. Maltolo uzatas en kemiaj sintezoj kaj en la preparado de farmaciaĵoj.

Maltolo estas pirona derivaĵo akirita de la ŝelo de pingloarboj, precipe la lariko, aŭ la rezino de la pingloj de la arĝenta abio. Ĝi ankaŭ okazas en rostita malto aŭ sukero (karamelo). Ĝi ankaŭ povas esti preparata kemie el la kojata acido.

Maltolo estas blanka kristala pulvoro kun karamela odoro. Ĝi estas uzata en aromoj kaj kiel plifortikigilo de gusto en manĝaĵoj, precipe en dolĉaĵoj kaj bakaĵoj. La INS-aldona nombro de maltolo estas 636. Ĝi ne estas permesata kiel aldonaĵo en Eŭropa unio kaj tial ne havas E-numeron.

Maltolo kaj la rilata etilmaltolo estas perantoj kiuj povas formi kompleksaĵojn kun multaj metaloj. Ili havas antibiotikan efikon kontraŭ E. coli. Metalkompleksaĵoj de maltolo ankaŭ povas havi medicinajn aplikojn, ekzemple por forigado de nedezirataj metaljonoj aŭ replenigo de fermanko.

Bonvolu ne konfuzi...
Maltolo	Alomaltolo
CAS-numero 118-71-8	CAS-numero 644-46-2
Ili estas izomeroj sed la unua posedas la hidroksilan kaj metilan grupojn en la pozicioj 2 kaj 3 de la piranona ringo dum la dua kombinaĵo posedas la hidroksilan kaj metilan grupojn en la pozicioj 2 kaj 5 de la piranona ringo.

Sintezoj

Sintezo 1

• Preparado de la maltolo per traktado de 4-Pirono, metila klorido kaj hipoklorita acido:

${\mathsf {{\xrightarrow[{}]{}}\,}}$

Sintezo 2

• Preparado de la maltola buterato per traktado de maltolo kaj buterata acido:

${\mathsf {{\xrightarrow[{}]{}}\,}}$

Sintezo 3

• Preparado de la maltola izobuterato per traktado de maltolo kaj izobuterata acido:

${\mathsf {{\xrightarrow[{}]{}}\,}}$

Vidu ankaŭ

• Alkoholo