Mahabad

Mahabad · مهاباد · مەهاباد · Məhabad
urbo de Irano vd
Administrado
Lando	Irano
Provinco	Okcidenta Azerbajĝano
Telefonkodo	0442
En TTT	Oficiala retejo [ ]
Demografio
Loĝantaro	168 393 (2016) [ ]
Geografio
Geografia situo	36° 46′ N, 45° 43′ O (mapo)36.76545.721Koordinatoj: 36° 46′ N, 45° 43′ O (mapo) [ ]
Alto	1 324 m [ ]
Horzono	UTC 03:30
	Mahabad · مهاباد · مەهاباد · Məhabad (Irano)
	Situo de Mahabad · مهاباد · مەهاباد · Məhabad
Alia projekto
	Vikimedia Komunejo Mahabad [ ]
	v • d • r

Mahabad - ankaŭ latinliterigite Mehabad, perse مهاباد, kurde مەهاباد, azere Məhabad - estas urbo apartenanta al la nuna ŝtato Irano. Ĝi administre apartenas al la provinco Okcidenta Azerbajĝano kaj estas la plej granda kurda urbo en ĉi tiu provinco (la dua plej granda kurda loĝloko en la provinco estas Piranŝahr, 80 kilometrojn pli okcidente). La loĝantoj de Mahabad do plejparte estas kurdoj kaj parolas la kurdan lingvon. Ĝi daŭre estas la centro de kurda naciismo en Irano, ĉar en 1945 ĝi estis la ĉefurbo de la Popola Respubliko Mahabad. Mahabad ankaŭ filio de la privata islama universitato Azad (perse: دانشگاه آزاد اسلامی).

Personoj de Mahabad kaj el ĉirkaŭaĵo de ĉirkaŭ cent kilometroj kurde nomiĝas "mukri". Tio estas memorigo al historia kurda lando Mukrijan aŭ emirlando Mukri, kurde موکریان, kiu en la 17-a jarcento rezistis al la ŝaha regno, do Persio. Ĉefloko de tiu emirlando tiam estis la loko nun nomata Mahabad. La regiono de Mukrian konsistas el Piranŝahr kaj Mahabad.

La urbo ricevis sian nunan nomon fine de la 1920-aj jaroj, dum la regado de Reza Ŝaho Pahlavi, kiu regis inter 1925 kaj 1941. Antaŭe la loĝloko perse nomiĝis Savojbolagh kaj kurde Sablagh. Origino estis la tjurka vorto soghuk bulak, en signifo de "malvarma fonto" (en nuntempa turka lingvo traduko estus soğuk bahar).