Ksilofono
| Ksilofono | |
|---|---|
 | |
| Klasifiko | Frapinstrumento |
| Ton-amplekso | 2 1/2 al 4 oktavoj |
| Parencaj instrumentoj | * Frapharmoniko |
Ksilofono estas frapmuzikilo. Ĝi havas diverslongajn stangojn aranĝitajn en vico laŭ grando, kiuj sonas la tonaltojn gamajn. Oni produktas la notojn frapante la stangojn per maleoj. La stangoj fariĝas el ligno, ofte palisandro, kaj la maleoj fariĝas el ligno, plasto aŭ kaŭĉuko. Foje la ksilofono havas resonatorojn sub la stangoj por plilaŭtigi la sonon.
Oni kredas ke la ksilonfono originis en Indonezio, sed ekzemploj disvolviĝis ankaŭ en Okcident- kaj Orient-Afriko. La plej frua ekzemplo pri kiu ni scias estas el Sudorient-Azio de la 9-a jarcento. Oni enkondukis ksilofonojn en Eŭropon en la Mezepoko, kaj ĝis la 19-a jarcento ĝi asociiĝis kun popola muziko Orient-Eŭropa, notinde el Pollando kaj Orient-Germanio. Pli malfrue komponistoj, ekz. Camille Saint-Saëns kaj George Gershwin, verkis partojn ksilofonajn por Okcidenta muziko orkestra. Ĝi ankaŭ uziĝas en muziko ragtima. La vibrafono disvolviĝis el la ksilofono en la 1920-oj.
