Krompach

Eble vi serĉas: Krompachy – urbon en Slovakio.

Krompach (Krompach v Čechách)
germane Krombach
municipo
Placo en Krompach, en fono iama kastelo
Flago Blazono
Oficiala nomo: Krompach
Ŝtato	Ĉeĥio
Regiono	Regiono Liberec
Distrikto	Distrikto Česká Lípa
Administra municipo	Cvikov
Historiaj regionoj	Bohemio, Sudetio
Parto de	PPR Luzacia montaro
Montaro	Luzacia montaro
Najbaras kun	Jonsdorf Germanio
Situo	Krompach
- alteco	476 m s. m.
- koordinatoj	50° 49′ 41″ N 14° 42′ 06″ O (mapo)
Katastro	6,89 km² (689 ha) Krompach
Loĝantaro	178 (2024)
Denseco	25,83 loĝ./km²
Unua skribmencio	1391
Horzono	MET (UTC 1)
- somera tempo	MET (UTC 2)
Poŝtkodo	471 57
NUTS 3	CZ051
NUTS 4	CZ0511
NUTS 5	CZ0511 561738
Katastraj teritorioj	1
Partoj de municipo	3
Bazaj setlejunuoj	3
Situo enkadre de Ĉeĥio Situo enkadre de Ĉeĥio
Vikimedia Komunejo: Krompach
Retpaĝo: www.obec-krompach.cz
Portalo pri Ĉeĥio

Krompach (germane Krombach aŭ antaŭe Krummbach), ankaŭ Krompach v Čechách estas municipo de Ĉeĥio situanta en distrikto Česká Lípa sur limoj kun Germanio, en nura centro de Luzacia montaro. Vivas ĉi tie 178 loĝantoj (2024).

La najbaraj municipoj de la setlejo estas Oybin, Jonsdorf, Jablonné v Podještědí kaj Mařenice.

Historio

La unua skribmencio pri la vilaĝo devenas el la jaro 1391 kiel vilaĝo apartenanta al burgo Milštejn. Posedantoj de ĉi tiea ĉirkaŭaĵo ekde la 13-a jarcento estis Berkové z Dubé. La municipo estiĝis sur foje frekventata komerca pado kuniganta Bohemion kun Supra Luzacio. Ĝi estis kunigata kun la plej malnovaj muelejoj sur rojo Krompašský potok. Antaŭ la jaro 1549 ĝi estis konata kiel vitrofarista municipo, ĉar ĉi tie ekzistis ĝis fino de la 17-a jarcento "forno de schürer". Pli poste evoluis ankaŭ teksindustrio.

La devene germana vilaĝo ĝi estis post la dua mondmilito grandparte ellandigita.

Partoj de municipo

• Krompach
• Juliovka
• Valy

Nuntempo

La 21-an de decembro 2011 estis post longaj intertraktadoj solene malfermita ŝoseo por personaŭtomobiloj kun limpasejo inter Krompach sur la ĉeĥa kaj Jonsdorf sur la germana flanko. Kaŭzo de prokrastoj de la malfermo de limpasejo estas avera stato de omunikilo sur la ĉeĥa flanko. Sur veturilo kuŝis ŝtonegoj malhelpantaj al trafiko. Poste aperis problemoj kun trafika markigo sur la germana flanko. Sed la problemojn oni sukcesis solvi kaj la ŝoseon trafikigi.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 960
1880	1 778
1890	1 682
1900	1 564
1910	1 490
1921	1 255

Jaro	Loĝantoj
1930	1 265
1950	428
1961	207
1970	158
1980	160
1991	121

Jaro	Loĝantoj
2001	139
2011	170
2014	151
2016	149
2017	152
2018	165

Jaro	Loĝantoj
2019	168
2020	168
2021	202
2022	163
2023	168
2024	178

Memorindaĵoj

• Meze de la municipo situas baroka preĝejo de 14 helpantoj en mizero el la jaro 1782.
• Sur loko de hodiaŭa gastejo situadis antaŭe senjora sidejo, el kiu konserviĝis du apodmuroj. La komplekso de la iamaj senjoraj konstruaĵoj de kastelo Krompach servis al administrado de tiu ĉi parto de ampleksa Senjorujo Zákupy. En unu el ili estas hodiaŭ lernejo kaj infana hejmo. La menciita gastejo subiĝis en novembro de 2012 al intence fondita incendio.
• Inter pluaj interesaj memorindaĵoj apartenas malnova germana tombejo.

Interesaĵoj en ĉirkaŭaĵo

Al la municipo dominas dumontopinta monto Hvozd kun alteco 750 metroj, belvedero kaj kabano sur la pinto. La pinto de Hvozd estas en najbara distrikto Liberec, sur katastro de municipo Heřmanice v Podještědí. Sur la katastro de Krompach estas aliaj altaj montoj kaj montetoj – dumontopinto Plešivec (658 m), Jánské kameny (604 m), Kulich (559 m), lima Háječek (524 m) aŭ sude Malý Ovčí vrch (492 m).

Pluaj fotoj

• 
  Baroka preĝejo de 14 helpantoj en mizero
• 
  Iama kastelo Krompach, hodiaŭ lernejo
• 
  Germana popola arkitekturo en Krompach
• 
  Malnova germana tombejo
• 
  Eksa gastejo ĉe la placo antaŭ incendio