Koiĉi Itagaki
| Itagaki Koiĉi |
|
|---|---|
| Persona informo | |
| Nomo | Itagaki Koiĉi |
| Dato de naskiĝo | 12-a de novembro 1947 |
| Aĝo | 77 |
| Okupoj kaj profesioj | |
| Okupoj | astronomo kaj entreprenisto |
| Geografio | |
| Ŝtato | Japanio |
| Lingvoj | |
| Denaska lingvo | japana lingvo [ ] |
| Parolata lingvo | angla lingvo [ ] |
| Portalo pri Homoj | |
Itagaki Koiĉi (japane 板垣 公一, Itagaki Kōichi ; naskiĝis la 12-an de novembro 1947) estas japana astronomo kaj entreprenisto. Li loĝas en Teppo-cho, Gubernio Jamagata. Li observas la ĉielon elde sia propra observatorio "Astronomia Observatorio Itagaki ", kies internacia kodo estas D94.
Malkovroj
[redakti | redakti fonton]Je la 31-an de marto 2016), Koiĉi Itagaki estis malkovrinta aŭ kunmalkovrinta 104 ekstergalaksiajn supernovaojn, li ankaŭ malkovris 5 novaojn en la Andromeda galaksio (M31).
Li malkovris la kometon C/2009 E1 (Itagaki),[1] kiu portas lian nomon, kaj kunmalkovris la kometon C/1968 H1 (Tago-Honda-Yamamoto), kies malkovron li ne povis tuj raporti, kaj kiu estis atribuita al tri aliaj japanaj observantoj. Li remalkovris la kometon 205P/Giacobini, 111 jaroj post ties lasta observo en 1896.
| Asteroidoj malkovritaj : 3 | |
|---|---|
| 117350 Saburo | 13-a de decembro 2004 |
| 134069 Miyo | 13-a de decembro 2004 |
| 189261 Hiroo | 11-a de decembro 2004 |
Laŭ Minor Planet Center, li malkovris 3 asteroidojn en 2004.[2]
Honoroj
[redakti | redakti fonton]Li ricevis la premion Edgar-Wilson en 2009.[3]
La asteroido 14551 Itagaki estis nomita en lia honoro.[4]
Notoj kaj referencoj
[redakti | redakti fonton]- ↑ C/2009 E1 (Itagaki), el la paĝaro de Seiichi Yoshida (angle)
- ↑ MPC alfabeta listo de asteroidaj malkovrintoj (angle)
- ↑ Ricevintoj de la Premio Edgar-Wilson, el la paĝaro de la Centra Oficejo pri Astronomiaj Telegramoj de IAU (angle)
- ↑ JPL Small-Body Database Browser 14551 Itagaki (1997 UN8) (angle)
Eksteraj ligiloj
[redakti | redakti fonton]- angle La amatora astronomo Koiĉi Itagaki plibonigas la serĉon pri supernovaoj ; el "Paŝetoj al la Kosmo", 6-a de marto 2014 Arkivigite je 2020-07-08 per la retarkivo Wayback Machine
- japane Koichi Itagaki ; el Supernova
- hispane Koichi Itagaki, Sinjoro Supernovao ; el Astronomía
En tiu ĉi artikolo estas uzita traduko de teksto el la artikolo Koiĉi Itagaki en la franca Vikipedio.