Koĉi (Barato)

	Koĉi
	Metropolo, havenurbo kaj universitata urbo
	Mozaiko pri Koĉi
Lando	Barato
Ŝtato	Keralo
Situo	Koĉi
- alteco	0- m s. m.
- koordinatoj	09° 58′ 00″ N 76° 16′ 00″ O / 9.96667 °N, 76.26667 °O (mapo)
Areo	95 km² (9 500 ha)
Loĝantaro	601 574 (2011)
Horzono	UTC 5:30
Poŝtkodo	682 0xx
Telefona antaŭkodo	484
Aŭtokodoj	KL-7
	Situo enkadre de Barato Situo enkadre de Barato
	Vikimedia Komunejo: Kochi, Kerala
	Retpaĝo: cochinmunicipalcorporation.kerala.gov.in
	Portalo pri Barato

Koĉi (കൊച്ചി) estas metropolo, grava havenurbo kaj universitata urbo en Barato, en la subŝtato Keralo. Dum la kolonia erao ĝi nomiĝis Cochin.

Laŭ la stato de 2011 en la urbo vivis 677 381 loĝantoj sur areo de 94,88 kvadrataj kilometroj, kio rezultigas loĝdenson de 7 139 loĝantoj/km².

Geografio

Koĉi etendiĝas en la suda parto de la lando laŭ la Araba Maro.

Koĉi estis la centro de hinda spicokomerco dum multaj jarcentoj. La grekoj, romianoj, judoj, araboj kaj ĉinoj komercadis jam ekde la antikvaj tempoj. La plej frua skriba mencio okazis en ĉina dokumento en la 15-a jarcento. En 1500 la alvenintaj portugaloj fondis komercejon kaj konstruis fortikaĵon. La portugaloj regis ĝis 1663, poste nederlandanoj alvenis, baldaŭ poste britoj ekde 1814.

Koĉi havas internacian flughavenon, havenon, aŭtovojojn kaj 2 stacidomojn. En la urbo aŭtobusoj kaj aŭtorikiŝoj liveras la pasaĝerojn.

Koĉi havas tropikan klimaton kun musono. La averaĝa temperaturo varias inter 23-31 °C. Jare pluvas 3228 mm. En ĉiuj monatoj pluvas, sed plej ofte inter majo-oktobro.