Kladodio
Kladodio (latine Phyllocladium) aŭ filokladio estas modifiĝo de ŝosakso por fotosintezo. Kladodioj estas verdaj, plataj, flankaj ŝosoj, kiuj ĉe plantoj transprenas funkcion de folioj. Ĉar ili havas limigitan longokreskon, tiuj folioj ofte aspektas kiel veraj folioj. Oni povas identigi kladodion jene:
- Ĉe bazoj de la kladodioj lokiĝas la ofte skvamformaj, reduktitaj veraj folioj.
- La floroj kreskas sur tiuj modifiĝintaj ŝosoj.
Oni uzas la nomon filokladio, kiam la kladodio enhavas plurajn internodajn partojn.
Kladodio aperas ekz. ĉe la sekvaj familioj kaj genroj.
- asparagacoj (Asparagaceae): asparago (Asparagus)
- filantacoj: Phyllanthus
- fabacoj (Fabaceae): akacio (Acacia)
- podokarpacoj (Podocarpaceae): Phyllocladus
- ruskacoj (Ruscaceae): Danae, rusko (Ruscus), Semele
- folikaktoj
Similaj modifiĝoj estas
- platikladioj: platiĝinta ĉefŝoso, kiuj ne estas tute foliforma,
- filodioj: plataj kaj foliformaj foliteniloj.
Fontoj
[redakti | redakti fonton]
| ||||||||||