Kastelo Mirabell
| Kastelo Mirabell | |||
|---|---|---|---|
| kastelo | |||
.jpg) | |||
| kastelo [ ] | |||
| Lando | Aŭstrio | ||
| Federacia lando | Salcburgio | ||
| Situo | Salcburgo | ||
| - alteco | 426 m ü. A. [ ] | ||
| - koordinatoj | 47° 48′ 20″ N, 13° 2′ 31″ O (mapo)47.805513.042Koordinatoj: 47° 48′ 20″ N, 13° 2′ 31″ O (mapo) [ ] | ||
| Arkitekto | Johann Lucas von Hildebrandt | ||
|
|||
 |
|||
| Kastelo Mirabell | |||
 Vikimedia Komunejo: Schloss Mirabell [ ] |
|||
| En TTT: Oficiala retejo [ ] | |||
Kastelo Mirabell (germane Schloß Mirabell) estas historia konstruaĵo en la grandurbo Salcburgo, Aŭstrio. La palaco kun siaj ĝardenoj estas protektita kulturhereda monumento kaj parto de la Historia centro salcburga/Monda heredaĵo de Unesko.
Historio
[redakti | redakti fonton]La palaco estis konstruita proksimume 1606 sur la marbordo de Salzach-rivero norde de la mezepokaj urbomuroj, laŭ peto de princo-ĉefepiskopo Wolf Dietrich von Raitenau. La ĉefepiskopo suferis de podagro kaj havis apopleksion la jaron antaŭe; por eviti la mallarĝajn stratojn de la urbo, li decidis konstrui plezurpalacon por li kaj sia amantino Salome Alt. Konstruite ŝajne ene de nur ses monatoj laŭ italaj kaj francaj modeloj, ĝi portis unue la nomon Altenau-kastelo.
Kiam Raitenau estis senpovigita kaj arestita sur Citadelo Hohensalzburg en 1612, lia posteulo Markus Sittikus von Hohenems forpelis Salome Alt kaj ŝian familion de la regiono. Sittikus donis al la palaco la nunan nomon italan Mirabell (do kastelo frapanta kaj bela). Ĝi estis rekonstruita en abundega barokstilo de 1721 ĝis 1727, laŭ planoj dizajnitaj fare de Johann Lucas von Hildebrandt.
En 1803 ĝi fariĝis rezidejo por Ferdinando la 3-a (Toskanujo). La 1-an de junio 1815 la posta reĝo de Greklando Otto la 1-a naskiĝis surloke kiam lia patro, la Wittelsbach-kronprinco Ludoviko la 1-a funkciis kiel guberniestro en Salcburgo. La aktuala novklasikisma aspekto originas de proksimume 1818, kiam la loko estis reestigita post incendio. Ĉefepiskopo Maximilian Joseph von Tarnóczy loĝis ĉi tie de 1851 ĝis 1863. La patro de Hans Makart laboris ĉi tie kiel ĉambelano. Joachim Haspinger kapucina pastro kaj gvidanto freneza de la Tirola ribelo pasigis sian lastan jaron en malgranda apartamento kastela.
La palacon aĉetos en 1866 la urbo. Post la Dua mondmilito ĝi provizore estis uzata kiel urbodomo gastante plurajn sekciojn de la municipa administracio.
Marmora Halo
[redakti | redakti fonton]
La Marmorhalo estas la okazigejo de la Salcburgaj Kastelkoncertoj sub direktanto Luz Leskowitz. Ĝi ankaŭ estas populara loko por geedziĝoj. En la 3.6.1944 Gretl Braun, la fratino de Eva Braun (la edzino de Adolf Hitler), edziniĝis ĉi-tie al Hermann Fegelein, grava ano de Waffen-SS. Atestantoj nuptaj estis Hitler, Heinrich Himmler kaj Martin Bormann.
Ĝardenoj
[redakti | redakti fonton]La ĝardenoj (germane: Mirabellgarten) estis aranĝitaj sub princo-ĉefepiskopo Johann Ernst von Thun en 1687 laŭ planoj de Johann Bernhard Fischer von Erlach. En ĝiaj geometri-fiksitaj ĝardenoj estas primitologiaj statuoj datantaj de 1730 kaj kvar grupoj de skulptaĵoj (Eneo, Heraklo, Pariso kaj Plutono) kiujn kreis la itala skulptisto Ottavio Mosto en 1690. Famas ankaŭ iliaj kestlignaj aĵoj, ekz. heĝteatro farita inter 1704 kaj 1718. Oranĝejo estis alkonstruita nur en 1725. Flanke estas sekcio kun gapotaj nanoj de nenormala-gaja aspekto. Ili iel modelis por la nanoĝardeno de sur Kastelo Neuburg.
La ĝardenoj fariĝis alireblaj por la publiko sub imperiestro Francisko Jozefo la 1-a. Krome temas pri unu el la plej popularaj turistaj atrakcioj en Salcburgo. Pluraj scenoj de la furorfilmo The Sound of Music filmigitis en la belegaj ĝardenoj. En ejo apudĝardena troviĝis ĝis 2012 la Salcburga Barokmuzeo.
Fonto
[redakti | redakti fonton]En tiu ĉi artikolo estas uzita traduko de teksto el la artikolo Mirabell Palace en la angla Vikipedio.
Eksteraj ligiloj
[redakti | redakti fonton]- Prie sur la oficialaj urbaj paĝoj Arkivigite je 2012-10-21 per la retarkivo Wayback Machine
- Prie ĉe Geologia federacia instituto Arkivigite je 2021-09-21 per la retarkivo Wayback Machine
- Pri la Prakatolika komunumo kiu celebras la mesojn en la kastela kirko