Kastelo Bentheim

Kastelo Bentheim
	La korto
kastelo
Geografiaj informoj
Lando	Germanio
Geografia situo	52° 18′ 8″ N, 7° 9′ 26″ O (mapo)52.3022222222227.1572222222222Koordinatoj: 52° 18′ 8″ N, 7° 9′ 26″ O (mapo)
	Kastelo Bentheim (Malsupra Saksio)
	Situo de Kastelo Bentheim
	Kastelo Bentheim (Germanio)
	Situo de Kastelo Bentheim
Konstruita	ĉirkaŭ la jaro 1020
Retadreso	oficiala retejo (pliaj informejoj sube de la teksto)
	v • d • r

Kastelo Bentheim (Burgo Bentheim) estas mezepoka kastelo en Bad Bentheim en la Graflando Bentheim en Malsupra Saksio. La kastelo estis konstruita el sabloŝtonaj brikoj. Tiu sabloŝtono portas la nomon de la loko: Bentheima sabloŝtono. La kastelo ankoraŭ nun estas loĝata sed la fortikaĵoj kaj kelkaj historiaj akceptejoj estas enireblaj por la publiko. La loĝejo estas loĝata de la nobela familio zu Bentheim und Steinfurt.

La konstruaĵo

Se oni volas eniri la kastelon tiam oni pasas du pordegojn. La malsupra pordego datas el la 13-a jarcento. La supra podego estis fasonita en la 17-a jarcento fare de la nederlanda arkitekto Philips Vingboons (1614-1679). La Kronenburg estas la digna gotika loĝejo, kiu en la malfrua 19-a jarcento, laŭ historia ekzemplo, estis renovigita. La Pulvoturo kun sia mezepoka karcero akiris ĉ. 1525 sian hodiaŭan formon. En la kastelo do troviĝas pluraj konstrustiloj, kiel romantiko, gotiko kaj renesanco. Ekde la tridekmetre alta mezepoka pulvoturo oni vidas, dum klara vetero, belan panoramon de Vestfalio kaj Tubantio. En la korto troviĝas la Krucifikso de Bentheim, sabloŝtona krucifikso el la 12-a jarcento.