Kadavrofloro

Kadavrofloro estas nomo uzata por almenaŭ tri diversaj plantospecioj. Ili ĉiuj akiris tiun nomon pro la odoro de siaj floroj.

Giganta amorfofalo (Amorphophallus titanum, tra la latina el la grekaj amorfos = senforma kaj fallos = peniso; lat titanum = de gigantoj) estas specio de arumacoj. Ĝi kreskas origine sur Sumatro kaj formas la plej grandan senbranĉan floraron (infloreskon) sur la Tero. La plej granda mezurita infloresko atingis alton de 2,7-2,9 metroj. Por altiri insektojn por polenado la floroj havas malagrablan odoron similan al putriĝanta fiŝo. La planto havas en la indonezia lingvo la nomon bunga bangkai kio signifas "kadavrofloro".
Raflezio. Tiun saman nomon oni atribuas ankaŭ al raflezioj (Rafflesia, el rafleziacoj), parazitaj sen-tigaj kaj senfoliaj plantoj kiuj kreskas en la sama mondoparto kaj simile havas odoraĉan floregon, la plej grandan simplan floron en la mondo. Ankaŭ nomita "putrofloro".
Stapelio. Laŭ PIV2 kadavrofloroj estas specioj de stapelio (Stapelia, el asklepiadacoj), kiuj kreskas en Afriko.

Eksteraj ligiloj

Ĉi tiu paĝo estas apartigilo: listo de artikoloj kun sama aŭ preskaŭ sama titolo.

Se vi venis ĉi tien per ligilo en artikolo, bonvolu direkti tiun ligilon rekte al la celita paĝo.