Jablonica

Jablonica, germane Jablonitz, hungare Jablánc estas vilaĝo en Slovakio, en Regiono Trnava, en Distrikto Senica.

Jablonica situas en la plej griza regiono

Bazaj informoj

• 48° 36′ 24″ N 17° 25′ 15″ O (mapo)
• Areo: 31km²
• Supermara alteco: 209 m
• Loĝantaro: 2261 en 2001
• Poŝtkodo: 906 32
• Aŭtokodo: SE
• Telefonprefikso: 034

Situo

Jablonica situas laŭ ĉefvojo Senica-Trnava, fervojaj kontaktoj estas al Brezová pod Bradlom, Trnava kaj Senica. La lasta urbo troviĝas je 9 km-oj.

Historio

Post fondiĝo de Hungara reĝlando la loko apartenis al limgarda zono. En 1116 Stefano la 2-a tie venkis la ĉeĥojn. La unua skriba mencio okazis pri la vilaĝo en 1262 en latina formo "villa Jobluncha". En 1621 kaj post 2 jaroj Gabrielo Bethlen, en 1663 la turkoj disrabis la vilaĝon. En 1687 Emeriko Thököly okupis la vilaĝon kaj en 1704 Francisko Rákóczi la 2-a tie venkis la Habsburgojn. En 1866 pro ĥolero multaj mortis. En la 19-a jarcento la komunumo havis la rangon kampurbo. En 1910 laŭ la popolnombrado loĝis en Jablánc 2195 homoj, (plejparte slovakoj). Ĝis Traktato de Trianon la komunumo apartenis al Hungara reĝlando, al Nyitra (reĝa departemento), al distrikto de Szenice, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 2001 vivis en Jablonica 2261 homoj, (2179 slovakoj).

Vidindaĵoj

• romkatolika preĝejo de 1736
• golgoto de 1758
• kastelo de Apponyi [aponji] de 1663, en 1897 trakonstruiĝis
• skulptaĵo pri Johano Nepomuka de 1721
• kolono de Dipatrino de 1866 memore al la ĥolero

Eksteraj ligiloj

• Jablonica en mapo de Slovakio

Fontoj

• Hungara Vikipedio