Sangado

Interna hemoragio en okulo

Sangado (medicina faktermino: hemoragio) estas sangelfluo el la sangocirkula sistemo pro vundo aŭ rompiĝo de sanga vaskulo.

Tipoj de hemoragioj

• Eksteraj hemoragioj: la sango elversiĝas el la korpo post vundo aŭ traŭmato.
• Eksteriĝantaj hemoragio : la elfluo estas ene de la korpo, sed la sango elfluas tra naturaj aperturoj:

Epistakso, tra la nazo,

Otoragio, tra la dukto de la orelo,

Sangvomado, tra la buŝo,

Hemoptisio, sputo de sango el la pulmoj

Hematurio, sango en urino.

ktp

• Internaj hemoragioj: la sango enfluas en la korpo. Ĝi amasiĝas en histo aŭ organo, estigante hematomon, sub la haŭto (ekimozo), aŭ en interna kavo: hemoperitoneo en la ventro, Hemotorako en la pulmoj aŭ la pleŭro.

Hemoragio pro naza frakturo

Kaŭzoj de hemoragioj

Estigas hemoragiojn:

• Vundoj kaj traŭmatoj (tranĉo, piko, bato, falo aŭ fortega malakcelo...) estigas internajn kaj eksterajn hemoragiojn.
• Alta sangopremo, aneŭrisma rompiĝo, vaskulaj tumoroj estigas internajn hemoragiojn; plej gravaj estas tiuj en la cerbo.
• Ulcero de la stomako, hemoroido, kaj pluraj tipoj de kanceroj estigas sangvomojn, sangsputojn, sangon en fekaĵo aŭ urino...
• Misfunkcio de koaguliĝo:

Denaska: Hemofilio, malsano de Willebrand.

Akirita: Manko de K-vitamino, troaĵo de iaj kuraciloj: kontraŭkoaguloj, aspirino, nesteroidaj kontraŭinflamiloj.

Eksteraj ligoj kaj konsiloj

Pri sangoperdo: konsiloj sur Interreto:

• En la franca
• En la germana
• en la angla
• En la hispana