Havaja korvo
 | ||||||||||||||
|---|---|---|---|---|---|---|---|---|---|---|---|---|---|---|
 Havaja korvo
| ||||||||||||||
| Biologia klasado | ||||||||||||||
| ||||||||||||||
| Corvus hawaiiensis (Peale, 1848) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Havaja korvo aŭ ´Alala (Corvus hawaiiensis) estas birdospecio de la familio de korvedoj kaj el la tipa genro Corvus el la ordo de paserinoj, kiu estas ĉirkaŭ samgranda kiom la nigra korniko, tio estas 48 al 50 cm longa, sed kun pli rondoformaj flugiloj kaj multe pli dika beko. Ĝi havas mildan, brunnigran plumaron kaj longajn, malkombitajn gorĝoplumojn; la gamboj, kruroj kaj beko estas nigraj.
Distribuo kaj habitato
[redakti | redakti fonton]Tiu specio estas nune formortinta en la naturo. Antaŭe, la specio troviĝis nur en la insulo Havajo en malfermaj parkecaj montarbaroj. Tamen, fosilioj indikas, ke ĝi antaŭe loĝis en relativa abundo en ĉiuj el la ĉefaj insuloj, kun aliaj du formortintaj korvospecioj. La specio estas forta kaj lerta fluganto kaj la kialojn de ties formorto oni ne bone komprenas. Oni supozas, ke enmetita malsano estis probable grava faktoro de la malpliiĝo de la specio.
Kutimaro
[redakti | redakti fonton]Dieto
[redakti | redakti fonton]En naturo, Havajaj korvoj konsumis varian dieton, inklude kadavraĵon, ovojn kaj birdidojn, aliajn etajn animalojn, fruktojn kaj eĉ homdevenan manĝaĵojn kaj restaĵojn. Oni scias ankaŭ, ke tiuj birdoj scivolemas arboŝelon por malkaŝi subajn insektojn.
Voĉo
[redakti | redakti fonton]Havajaj korvoj havas voĉon varie priskribita kiel dutona kaŭ kaj krioj kun pli malaltaj aldonitaj tonoj, simile al miaŭo de katoj. Ili faras ankaŭ ka-ŭak kaj kompleksan, bobelan kanton kaj aliajn variajn sonojn.
Konserva statuso
[redakti | redakti fonton]La du lastaj konataj individuoj de tiu specio en la naturo malaperis en 2002; la specio estas nune klasita kiel formortinta en naturo. Dum kelkaj individuoj restas en sistemo de kaptiva reproduktado, klopodoj reenmeti kaptive-bredatajn birdojn en naturon estis malhelpita pro predado fare de la Havaja buteo, kiu siavice estas listita kiel Preskaŭ Minacata.
Bildaro
[redakti | redakti fonton]-
Deproksime
Referencoj
[redakti | redakti fonton]- BirdLife International (2004). Corvus hawaiiensis. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Formortinta en naturo
- Walters, Mark Jerome. Do No Harm Arkivigite je 2007-09-27 per la retarkivo Wayback Machine. Conservation in Practice 7(4):28-34.