Georgo Abraham
| Georgo Abraham | |
|---|---|
| Persona informo | |
| Naskiĝo | 30-an de novembro 1915 |
| Morto | 26-an de junio 2001 (85-jaraĝa) |
| Lingvoj | Esperanto • araba |
| Ŝtataneco | Argentino 
|
| Okupo | |
| Okupo | esperantisto
|
| Verkoj | Klara Vortaro Esperanta-Araba |
Jorge ABRAHAM aŭ Georgo ABRAHAM (naskiĝis 1916, mortis la 26-an de junio 2001), estis argentina esperantisto kaj pioniro sur la kampo de arab-lingvaj Esperanto-lernolibroj kaj -vortaroj.
Naskiĝinte en Usono en 1916, li transloĝiĝis al Argentino en 1929.
Esperanta agado
[redakti | redakti fonton]Esperanton li lernis en 1931. En 1941 li kunfondis Argentinan Esperanto-Ligon, en kiu li plenumis gvidajn funkciojn dum pluraj mandatoj. En 1952 li gvidis la unuan Esperanto-kurson en sia loĝurbo Venado Tuerto, kie li fondis kaj prizorgis klubon. En 1966 Abraham starigis Amerikan Esperanto-Lernejon por koresponda instruado.
En 1995 la Komitato de UEA distingis Abraham per Honora Membreco de la Asocio. En 2000 li ricevis ankaŭ premion de Fondaĵo Antoni Grabowski.
Tradukoj kaj vortaroj
[redakti | redakti fonton]Abraham tradukis el la araba verkojn de Ĥalil' Ĝibran: Rakontoj kaj Poemoj. (1972), La Rompitaj Flugiloj (1981), Plukitaĵoj (1986) kaj Preter la Horizonto (1992).
Li verkis plurajn Esperanto-lernilojn. Lia precipa verko estas la ampleksa araba Esperanto-vortaro, kies unuan volumon, Klara Vortaro Esperanta-Araba, UEA eldonis en 1998. La alidirekta, pli ampleksa parto estas preparata por eldono. En 2000 ĉe UEA aperis ankaŭ lia lernolibro por arablingvanoj, Kurso de Esperanto, Lingvo Internacia. Tiuj verkoj metis la bazon por la lastatempa ekdisvastiĝo de Esperanto en la arabaj landoj[1]..
Verkoj (elekto)
[redakti | redakti fonton]- Abraham, Georgo 1998 : Klara Vortaro Esperanta-Araba, Universala Esperanto-Asocio, Rotterdam, 308 p. — 22 cm.
Premioj kaj Omaĝoj
[redakti | redakti fonton]En 1995 la Komitato de UEA distingis Abraham per Honora Membreco de la Asocio. En 2000 li ricevis ankaŭ premion de Fondaĵo Antoni Grabowski.