Franz Xaver Süßmayr
| Franz Xaver Süßmayr | |
|---|---|
| Persona informo | |
| Naskiĝo | 1-an de januaro 1766 en Schwanenstadt |
| Morto | 17-an de septembro 1803 (37-jaraĝa) en Vieno |
| Mortokialo | Tuberkulozo 
|
| Tombo | St. Marx Cemetery (en) 
|
| Lingvoj | germana |
| Ŝtataneco | Habsburga monarkio Sankta Romia Imperio
|
Memorigilo 
| |
| Familio | |
| Patro | Franz Carl Siessmayr (en)
|
| Okupo | |
| Okupo | komponisto dirigento
|
Franz Xaver Süßmayr (* 1766 en Schwanenstadt, Supra Aŭstrio; † 17-an de septembro 1803 en Vieno) estis aŭstra komponisto.
Vivo
[redakti | redakti fonton]Franz Xaver verŝajne ricevis de sia patro unuan muzikinstruon, ĉar en 1779, ĉe sia eniro en la gimnazion de la Abatejo Kremsmünster, li jam estis registrata kiel organista et altista, poste ankaŭ kiel tenor et violinista. Per la ceteraj fakoj, en kiuj li sekvis lecionojn, li akiris kleradon, kiun muzikisto de tiu tempo nur malofte atingis.
En la pli malfruaj jaroj de sia tempo en Kremsmünster li pli ofte estis konsultita por komponado de eklezia muziko kaj ekde 1785 ankaŭ por muziko al teatraĵoj, kiujn oni prezentis en Kremsmünster.
En la jaro 1787 lia lerneja tempo finiĝis, sed nur en 1788 troviĝas postsigno, ke li vivis en Vieno. Samjare li verŝajne konatiĝis kun Mozart, ĉar en perdiĝinta letero li menciis, ke sia opereto Der rauschige Hans, kiun li datigis per 6-a de marto 1788, ekestis „sub la gvidado de la beata, senmorta Mozart".
Süßmayr estis lernanto de Antonio Salieri kaj laŭ eldiro de Constanze Mozart ekde 1790/91 ankaŭ lernanto de Wolfgang Amadeus Mozart. Kun Süßmayr Mozart laŭdire diskutis dum ties lastaj tagoj pri ties rekviemon, tiel ke Süßmayr pro tiuj buŝaj indikoj kaj kelkaj postlasitaj notaĵoj („slipetoj") sentis sin kapabla, kompletigi la pecon post la morto de Mozart. Kvankam ofte kritikita, la kompletigoj de Süßmayr (li komponis/instrumentis la lastajn kvin partojn) ĉe prezentadoj estas normo.
Ekde 1792 Süßmayr estis dirigento ĉe Nacia Teatro kaj ekde 1794 kapelestroadjunkto de Joseph Weigl ĉe Kärntnertortheater. Li validas kiel sukcesa komponisto de la viena kantoteatraĵo kaj komponis ĉ. 30 teatrajn verkojn. Al liaj ĉefaj verkoj apartenas la operoj Moses oder Der Auszug aus Aegypten (1792), Der Spiegel von Arkadien (1794), Idris und Zenaide (1795) kaj Soliman II. (1799). Krome li komponis instrumentan muzikon, kantatojn kaj mesojn.
Li estas entombigita sur la tombejo Sankt Marx.
Literaturo
[redakti | redakti fonton]- H. H. Hausner: Franz Xayer Süßmayr. Wien 1964
- W. Wlcek: Franz Xaver Süßmayr als Kirchenkomponist. Dissertation, Wien 1953, gedruckt 1978
- Christoph Wolff: Mozarts Requiem. Geschichte, Musik, Dokumente. Mit Studienpartitur. Bärenreiter, Kassel 1991, 4. korr. Auflage 2003, ISBN 3-7618-1242-6
- E. Duda: Das musikalische Werk F. X. Süßmayrs. (Werkverzeichnis) 2000
Eksteraj ligiloj
[redakti | redakti fonton]- Informoj pri Franz Xaver Süßmayr en katalogo de la Germana Nacia Biblioteko (germane)
- Paĝo de Erich Duda pri Süßmayr Arkivigite je 2016-03-10 per la retarkivo Wayback Machine