Malabara vanelo

Kiel legi la taksonomion

Malabara vanelo

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birdoj Aves
Ordo:	Ĥaradrioformaj Charadriiformes
Familio:	Ĥaradriedoj Charadriidae
Genro:	Vanellus
Specio:	V. malabaricus

Dunomo

Vanellus malabaricus
(Boddaert, 1783)

Konserva statuso

Konserva statuso: Malplej zorgiga

Sinonimoj

Charadrius malabaricus Boddaert, 1783
Charadrius malarbaricus (lapsus)
Hoplopterus malabaricus (Boddaert, 1783)
Lobipluvia malabarica (Boddaert, 1783)
Lobipluria malabarica (lapsus)

Aliaj Vikimediaj projektoj

Sistematiko en Vikispecioj

Komunejo pri Malabara vanelo

v • d • r

La Flavbrida vanelo aŭ Malabara vanelo (Vanellus malabaricus) estas birdo de la genro Vanellus, grupo de grandaj vadbirdoj de la familio de ĥaradriedoj. Ĝi estas loĝanta reproduktanto en Hindio aŭ Barato. Kvankam ĝi estas loĝanta, ĝi povas ankaŭ moviĝi dum sezono de musono al pli sekaj regionoj. Krome povas reproduktiĝi ekde printempo ĝis post somero en marbordo de Pakistano; poste ili revenas al Barato. Eventuale povas resti tie familiaj grupoj.

Aspekto

Ili estas facile videblaj kaj rekoneblaj birdoj. Ili estas mezgrandaj vadbirdoj, helbrunaj kun nigra krono. Krome estas blanka okulstrio kaj flava brido kiu pendas. La vosto estas blanka kaj ties pinto nigra. La dorso estas helgrizbruna kaj la ventro blanka. La longaj kruroj estas flavaj. Ambaŭ seksoj estas similaj.

Dumfluge estas videbla blanka strio inter nigraj bordaj plumoj kaj brunaj korpaj supre. Sube estas blankaj.

Kutimoj

Tiu orientalisa specio estas komuna en plej granda parto de Barato, kaj povas esti vidata en malferma kamparo, kutime en pli sekaj medioj ol Ruĝbeka vanelo aŭ Hindia vanelo, Vanellus indicus. Ĝi demetas kvar ovojn en surplanka skrapotruo.

Ĝi ofte manĝas en sekaj medioj, manĝoplukante insektojn kaj aliajn senvertebrulojn el la planko.

La Malabara vanelo havas laŭtan alvokon ĉituii.