Fererco

La feroerco estas roko entenanta feron, ĝenerale sub formo de oksidoj, kiel la baŭksito.

La ĉefaj ferercoj estas sulfidoj, karbonatoj kaj oksidoj. Sulfidoj (pirito, pirotito) ne estas uzataj por la produktado de fero ĉar la sulfuro fraĝiligas la ferajn alojojn. Ĝi prefere utiliĝas por la produkto de sulfura dioksido. Plej riĉaj en fero estas la oksidoj: magnetito kaj hematito. Hematito estas la plej grava fererco por la ferindustrio.

La fera enteno varias laŭ la mineralo. Estas scienda, ke la izomorfio, oftega ĉe la mineraloj, malpligrandigas la teorian entenon.

Mineralo	Kemia Formulo	Teoria enteno de fero en la mineralo	Teoria enteno de fero post kalcinado
hematito	Fe₂O₃	69,96	69,96
magnetito	Fe₃O₄	72,4	72,4
magnesioferito	MgO·Fe₂O₃	56-65	56-65
goetito	Fe₂O₃·H₂O	62,9	70
hidrogoetito	3Fe₂O₃·4H₂O	60,9	70
limonito	2Fe₂O₃·3H₂O	60	70
siderito	FeCO₃	48,3	70
pirito	FeS₂	46,6	70
pirotito	Fe_1-xS	61,5	70
ilmenito	FeTiO₃	36,8	36,8

Ilmenito estas ĉefe erco de titano, fero estas sub-produktaĵo de la titana ekstraktado.

Monda produkto

Estimata produkto de fererco en milionoj da tunoj en 2006
laŭ "U.S. Geological Survey"^[1]
Lando	Produktado
Ĉinio	520
Aŭstralio	270
Brazilo	250
Barato	150
Rusio	105
Ukraino	73
Usono	54
Sud-Afriko	40
Kanado	33
Svedio	24
Venezuelo	20
Irano	20
Kazaĥujo	15
Maŭritanio	11
Aliaj landoj	43
Tuta mondo	1690

La ferhavaj rokoj estas oftaj en la mondo (Fero konsistas 5% en maso el la terkrusto). 98% de la ekstrakta fererco utilas por la fabrikado de ŝtalo.

La tutaĵo de la atingeblaj^[2] mondaj rezervoj da fero estas estimataj al 150 miliardoj da tunoj (1,5 x 10¹⁴kg), kaj la monda konsumo da fero kreskas de po 10% ĉiuj jaroj: estas antaŭvideble, ke en la ĉirkaŭaĵo de la 2090-aj jaroj, la fero estos elĉerpita, aŭ almenaŭ nepriĝos ekspluati pli kaj pli malriĉajn ercojn.