Bieno

Ĉi tiu artikolo temas pri tipo de kampara terposedaĵo. Por informoj pri komunumo en Italio, vidu la artikolon Bieno (Italio).

Bieno
artefarita geografia unuo • konstruaĵa komplekso • aro de konstruaĵoj
Posedata de	terkultivisto vd
Partoj stalo, garbejo, yard (en) , homestead (en) kaj bovostalo vd

Bieno en Sierra Morena, Hispanio.

Bieno estas kampara terposedaĵo, privata aŭ kolektiva. Bienoj estas la ĉefaj unuoj de agrikulturo. Areo de bieno povas esti ajna: komence de ono de hektaro ĝis miloj da hektaroj.

Laŭ PIV bieno estas "Kampara posedaĵo, kun la agroj, domoj ktp dependantaj de ĝi": kaj estas menciitaj ekzemploj reĝa, nobela bieno; alodbieno, feŭdbieno, farmobieno; retiriĝi sur sian bienon.

Laŭ Francisko Azorín bieno estas Kampara terposedaĵo; propraĵo. Kaj li indikas etimologion el latina bene (bone), krom rilatajn terminojn farmobieno, heredobieno, bienaro, biendomo, bienetato.

Konstruaĵoj de la bieno

Plej ofte la bieno havas ankaŭ konstruaĵojn, kie loĝas la laboristoj, en aliaj konstruaĵoj oni konservas la maŝinojn, por la dombestoj servas la staloj, fine ofte estas garbejoj por la rikoltaĵoj.

Por produkti kreskaĵojn povas ĉeesti ankaŭ forcejoj kaj por produkti energion povas ĉeesti biogasoinstalaĵo aŭ ventoturbino.

Galerio

• 
  Loĝejo por homoj (Francio)
• 
  Bovejo (Kanado)
• 
  Ejo por maŝinoj (Francio)
• 
  Garbejo (Francio)
• 
  Forcejo

Vidu ankaŭ

• Hubo
• Farmo
• Latifundio