Erfurta Nordo
Erfurt-Nord estas la ĝenerala nomo por ĉiuj loĝdomblokaj zonoj ĉe la norda rando de la turingia ĉefurbo Erfurto, kiuj konstruitis de 1970-90. Administre ili apartenas al jenaj urbokvartaloj: Berliner Platz, Moskauer Platz, Rieth kaj Roter Berg.
Priskribo
[redakti | redakti fonton]Kiel similaj setlejoj en la sudoriento de Erfurto sed ankaŭ en Jena-Lobeda aŭ Gera-Lusan, Erfurt-Nord apartenas al la kvar grandaj GDR-loĝdomblokkolonioj en Turingio. Ĝi estis planita por 25000 loĝantoj; hodiaŭ vivas tie nur la duono.
Dum la 2000-aj jaroj oni malkonstruis ne tute kvaronon de la loĝejoj: tiu proceso nun estas finiĝinta. Oni sukcesis stabiligi la zonon kaj aktuale la loĝantaro ne plu malkreskas. La nombro de liberaj loĝejoj malgrandas kaj la agadoj por plibeligi la ĉirkaŭaĵojn bone efikis. Tio ŝuldiĝas certe ankaŭ al ĝenerala ekonomia ekfloro de Erfurto dum la lastpasintaj jaroj.
Tamen estas restanta problemo la averaĝa aĝo de la loĝantoj (ĉ. de 50 jaroj) kaj nur la venontaj jaroj vere montros, ĉu oni atingos sufiĉan kvanton da nove alvenontaj jun- respektive mezaĝuloj.
La substrukturo de Erfurt-Nord estas nun en bona kondiĉo; tramvojaj konekseblecoj kaj magazenoj abundas. Krome ekzistas ankaŭ lernejoj surloke. La substanco de la konstruaĵoj same tre pliboniĝis danke al multaj restaŭradoj.
| Urbokvartalo | Surfaco (km²) |
Loĝantoj 1990 |
Loĝantoj 1995 |
Loĝantoj 2000 |
Loĝantoj 2005 |
Loĝantoj 2010 |
malkonstruitaj loĝejoj bis 2010 |
konservitaj loĝejoj 2010[1] |
|---|---|---|---|---|---|---|---|---|
| Berliner Platz | 0,49 | 8.473 | 8.015 | 6.395 | 5.962 | 5.835 | 264 | 3.771 |
| Moskauer Platz | 0,88 | 14.489 | 13.648 | 9.553 | 8.792 | 7.652 | 1.405 | 4.958 |
| Rieth | 0,72 | 9.391 | 9.105 | 6.526 | 5.727 | 5.758 | 1.028 | 3.299 |
| Roter Berg | 0,77 | 13.093 | 12.114 | 8.619 | 6.663 | 5.661 | 2.075 | 3.674 |
| Sume | 2,86 | 45.446 | 42.882 | 31.093 | 27.144 | 24.906 | 4.772 | 15.702 |
| Loĝodenso | 15.890 | 14.993 | 10.872 | 9.238 | 8.708 |
Ŝanĝoj loĝantaraj
[redakti | redakti fonton]
|
|
Vidu ankaŭ
[redakti | redakti fonton]Subnotoj
[redakti | redakti fonton]- ↑ Loĝejoj je dispono en 2010.. Arkivita el la originalo je 2010-06-01. Alirita 2014-01-01 .