Departemento Sud-Est (kreole: Sidès) estas unu el la dek departementoj de Haitio. Ĝia nomo estas la franca vorto por "sud-oriento". Efektive ĝi estas la plej sud-orienta departemento.
Ĝi situas sur la suda flanko de la bazo de duoninsulo Tiburon. Ĉe ĝia norda limo (al departemento Ouest) situas la montaro Chaîne de la Selle kun monto Pic la Selle, 2.680 metrojn alta, la plej alta loko de la lando. La monton ĉirkaŭas la nacia parko La Visite.
La areo de la departemento estas 2.034 km²; en 2009 oni taksis ĝian loĝantaron je 575.293. Ĝia kodo laŭ ISO 3166-2 estas HT-SE. Ĝia ĉefurbo estas Jacmel.
La departemento estas dividita en tri arondismentojn, kiuj konsistas el sume 10 komunumoj:
Vikimedia Komunejo: Sud-Est (department) [ ]
