Courtelary
|
Por samtitolaj artikoloj vidu la paĝojn Courtelary (distrikto) kaj Courtelary (stacidomo). |
| Courtelary | |
|---|---|
 | |
 | |
| komunumo en Svislando | |
| Kantono | Berno |
| Administra distrikto | Berna Ĵuraso |
| Malnova distrikto ĝis 2009 | Courtelary |
| Geografia situo | CH1903: 572226 / 225422 (mapo)47.1791666666677.0722222222222Koordinatoj: 47° 11′ N, 7° 4′ O; CH1903: 572226 / 225422 (mapo) |
|
| |
| Nombro de loĝantoj | 1204 |
| Areo | 22,24 km² |
| Alteco | 695 m super marnivelo |
| Poŝtkodo | 2608 |
| Komunumkodo | 0434 |
 | |
Courtelary estas komunumo kaj ĉefloko de la administra distrikto Berna Ĵuraso kaj de la iama samnoma distrikto Courtelary en la franclignva parto de Kantono Berno, Svislando. Ĝi havis 1 204 loĝantojn je la 31-a de decembro 2008.
Geografio
[redakti | redakti fonton]Courtelary situas en la Ĵurasa montaro en la valo de Saint-Imier ambaŭflanke de rivero Suze.
Najbaraj komunumoj
[redakti | redakti fonton]La komunumo Courtelary limas en nordo al La Chaux-des-Breuleux (Kantono Ĵuraso), Les Breuleux (Kantono Ĵuraso) kaj Mont-Tramelan, en oriento al Cortébert, en sudo al Nods, kaj en okcidento al y al Cormoret.
Trafiko
[redakti | redakti fonton]Courtelary troviĝas ĉe la trajnlinio de Svisaj Federaciaj Fervojoj de Bielo al La Chaux-de-Fonds kaj paralele al la trajnlinio ankaŭ troviĝas kantona ĉefvojo.
Historio
[redakti | redakti fonton]La unua dokumenta mencio de Courtelary datiĝas el la jaro 968 kiel Curtis Alerici.
En malfrua mezepoko Courtelary apartenis kiel parto de la Senjorujo Erguel al la Princepiskopejo Bazelo sed estis sub forta influo de la urbo Bielo, kiu en la jaro 1530 trudis al ĝi la reformacion. Courtelary nun fariĝis la sidejo de la voktejo Erugel. En la jaro 1792 francaj trupoj konkeris la Princepiskopejon Bazelo. En Courtelary nun kunvenis asembleo por fondi sendependan respublikon. Tio tamen ne sukcesis kaj la regiono nun estis integrita al la departemento Mont Terrible, de kiu ĝi fariĝis kantona ĉefloko. En la jaro 1815 la regiono estis atribuita de la Viena Kongreso al Kantono Berno kaj fariĝis tiel parto de Svislando. Courtelary nun estiĝis ĉefloko de la ĉefdistrikto kaj ek de 1831 de la distrikto Courtelary.
Esperanto-Movado
[redakti | redakti fonton]Dum la 1930-aj jaroj en orfejo de Courtelary laboris la esperantisto kaj freinet-pedagogo Marcel Erbetta.[1]
Vidu ankaŭ
[redakti | redakti fonton]Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Courtelary – (Kolekto de bildoj kaj plurmediaj dosieroj)
| ||||||
