Chałupki
|
Tiu ĉi artikolo temas pri vilaĝo, kiu ĝis la jaro 1945 germane nomiĝis Annaberg, de tiam pole nomata Chałupki. Krome Annaberg estas unu el du historiaj partoj de la urbo Annaberg-Buchholz, administra centro de la distrikto Ercmontaro de la federacia lando Saksio en Germanio. |
| Chałupki | |
| germane: Annaberg, ĉeĥe: Chalupki | |
| vilaĝo | |
 Limpasejo de Pollando kun Ĉeĥio (en 2011)
| |
| Oficiala nomo: Chałupki | |
| Ŝtato |  Pollando
|
|---|---|
| Provinco | Silezia Provinco |
| Distrikto | Distrikto Racibórz |
| Komunumo | Komunumo Krzyżanowice (vilaĝa tipo) |
| Historiaj regionoj | Silezio, Prusio, Tria regno |
| Najbaras kun | Starý Bohumín Ĉeĥio, Šilheřovice Ĉeĥio |
| Konata loko | Kastelo en Chałupki Kastelo en Bohumín |
| Rivero | Odro |
| Situo | Chałupki |
| - koordinatoj | 49° 55′ 18″ N 18° 19′ 22″ O / 49.92167 °N, 18.32278 °O (mapo) |
| Loĝantaro | 1 697 (2008) |
| Unua skribmencio | 1373 |
| Horzono | MET (UTC 1) |
| - somera tempo | MET (UTC 2) |
| Poŝtkodo | 47-460 |
| Telefona antaŭkodo | ( 48) 32 |
| Aŭtokodoj | SRC |
  Situo enkadre de Pollando
| |
 Situo enkadre de Silezia provinco
| |
 Vikimedia Komunejo: Chałupki, Racibórz County
| |
| Retpaĝo: www.chalupki.pl | |
.jpg)
Chałupki (jen pole ekde 1945, ĉeĥe Chalupki, germane Annaberg) estas vilaĝo situanta en suda Pollando, en komunumo Krzyżanowice (pole gmina Krzyżanowice, germane Gemeinde Kreuzenort).
La vilaĝo situas en la maldekstra bordo de rivero Odro en loko, kie la rivero enfluas el la ĉeĥa teritorio en la polan teritorion. La vilaĝo estas konata en la tuta Pollando, ĉar ĉi tie estas internaciaj transirejoj, landvoja kaj fervoja.
La historio de tiu ĉi limregiona vilaĝo kiel kavalira posedaĵo tuŝas ĝis la 14-a jarcento. Ĉi tie ekzistis princa burgo, kiu gardis vojon en Ĉeĥion. El la jaro 1373 devenas mencio pri kastelo. Ekde 1526 la vilaĝo apartenis la la Habsburga regno, do al Aŭstrio, kaj al bohumína majorato kaj kun la loĝloko Bohumín en la hohemia parto de Aŭstrio ĝi estis kunigita per ligna ponto, konstruita en la jaro 1626 de princo Jan Ernest.
En la jaro 1682 estis konstruita ĝis hodiaŭ staranta kastelo, kies posedantoj estis krom alia margrafo Georgo Hohencolerno, familio Henckel von Donnersmarck und Vösendorf, pli poste familio Lichnovský. Ekde 1742 la regiono apartenis al prusa Silezio, do al la reĝlando Prusio. En la jaro 1844 la kastelo fariĝis posedaĵo de familio Rothschild, riĉaj vienaj bankistoj.
En la jaro 1818 la vilaĝo estis eligita el la bohumína majorato kaj ĝi estis aligita al la distrikto Landkreis Ratibor de prusa Silezio. En la jaro 1873 estis komencita konstruado de nova lernejo. En la jaroj 1847 – 1886 la vilaĝo havis konekton per fervojo kun Ratibor (ekde 1945 Racibórz), Bohumín kaj pli poste kun Loslau (ekde 1945 Wodzisław Śląski).
En la jaro 1924 estis konstruita evangelia preĝejo, kiu hodiaŭ estas preĝejo katolika. La posedaĵo kaj la kastelo de familio Rothschild estis laŭ ordono de hitlera registaro transdonita al vidvino post germana generalo, barono Rotkirch kaj el ŝia posedaĵo ĝi restis ĝis la jaro 1945. Hodiaŭ en la kastelo estas restoracio kaj hotelo kun blazono de la familio Rothschild super ĉefa enirejo. En la kastela parko kreskas multe da raraj malnovaj arboj kreantaj aleojn de fraksenoj, tilioj kaj kaŝtanarboj.
En la jaro 1929 en la tiama vilaĝo Annaberg, kiu ekde la jaro 1922 estis renkontopunkto de la tri ŝtatoj Germana Regno, Ĉeĥoslovakio kaj Pollando, estis konstruita de germanoj monumento „Dreiländereck“ ("trilanda angulo") por memoro de falintaj soldatoj en la unua mondmilito.
Vidu ankaŭ
[redakti | redakti fonton]Rilataj artikoloj
[redakti | redakti fonton]- Landlimo de Ĉeĥio kaj Pollando (ekde 1993)
| ||||||
