Brunpuga emberizo

Kiel legi la taksonomion Brunpuga emberizo
Brunpuga emberizo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Emberizedoj Emberizidae Genro: Emberiza Specio: E. affinis
Dunomo
Emberiza affinis (Heuglin, 1867)
Konserva statuso
Konserva statuso: Malplej zorgiga
Aliaj Vikimediaj projektoj

La Brunpuga emberizo (Emberiza affinis) estas birdo de la grupo de emberizoj el la ordo de paseroformaj birdoj kaj genro de la familio de Emberizedoj kiu iam estis enmetitaj en Fringedoj.

Ĝi troviĝas zono de subsahara Afriko super la marbordo de la Golfo de Gvineo nome el Senegalio al la teritorio de la parenca Somalia emberizo en la Korno de Afriko. Nome en Benino, Burkino, Kameruno, Centrafrika Respubliko, Ĉado, Demokratia Respubliko Kongo, Eburbordo, Etiopio, Gambio, Ganao, Gvineo, Gvineo-Bisaŭa, Kenjo, Malio, Maŭritanio, Niĝero, Niĝerio, Senegalio, Sudano, Togolando kaj Ugando. Ties natura habitato estas subtropikaj aŭ tropikaj humidaj arbaroj de malaltaj teroj.

Ĝi estas tre simila al parrencaj Orbrusta emberizo kaj Somalia emberizo, tio estas, la maskla plenkreskulo havas nigrablankan striecan kapobildon kun blanka krono, nigraj flankaj kronostrioj, traokula strio kaj suba vangstrio kaj blankaj superokula kaj subokula strioj kaj nigrabordaj blankaj orelkovriloj, sed la nigraj markoj estas pli mallarĝaj kaj fajnaj ol tiuj de la parencoj. La subaj partoj estas oranĝecflavaj ne nur en centra brusto kiel ĉe la Somalia emberizo, sed pli totale kiel ĉe la Orbrusta emberizo. La supraj partoj estas brunaj sed kun multe pli griza nuanco. Ne estas rimarkindaj blankaj flugilstrioj.

Referencoj

• BirdLife International 2004. Emberiza affinis. 2006 IUCN Ruĝa Listo de Minacataj Specioj. Konsultita la 25an de julio 2007.