Bardejov

	Bardejov
	germane Bartfeld, hungare Bártfa, pole Bardiów
	urbo
	Placo en Badejov
	Blazono
	Blazono
	Oficiala nomo: Bardejov
Lando	Slovakio
Regiono	Regiono Prešov
Distrikto	Distrikto Bardejov
Historia regiono	Supra Hungarujo
Parto de	Ŝariŝo Makovica
Urbaj partoj	Bardejovská Nová Ves, Bardejovská Zábava, Bardejovské Kúpele, Dlhá Lúka, Mihaľov
Memorindaĵo	Baziliko de sankta Egidio
Riveroj	Topľa, Šibská voda
Situo	Bardejov
- alteco	277 m s. m.
- koordinatoj	49° 17′ 34″ N 21° 16′ 40″ O / 49.29278 °N, 21.27778 °O (mapo)
Areo	72,802 km² (7 280,2 ha)
Loĝantaro	32 950 (31.12.2007)
Denseco	452,6 loĝ./km²
Unua skribmencio	1241
Horzono	MET (UTC 1)
- somera tempo	MET (UTC 2)
Poŝtkodo	085 01
Telefona antaŭkodo	421-54
Aŭtokodoj	BJ
NUTS	519006
	Loko de Monda heredaĵo de UNESKO
Nomo	Bardejov Town Conservation Reserve
Tipo de heredaĵo	kultura heredaĵo
Jaro	2000 (#24)
Numero	973
Regiono	Eŭropo
Kriterioj	iii, iv
	Situo enkadre de Slovakio Situo enkadre de Slovakio
	Situo enkadre de Regiono Prešov Situo enkadre de Regiono Prešov
	Vikimedia Komunejo: Bardejov
	Retpaĝo: www.bardejov.sk
	Portalo pri Slovakio

Koordinatoj: 49° 17′ 34″ N 21° 16′ 40″ O / 49.29278 °N, 21.27778 °O (mapo)

Bardejov, hungare Bártfa, germane Bartfeld, pole Bardiów, latine Bartpha estas urbo en nordorienta Slovakio, kun 33.100 (2004) loĝantoj. La urbo estas Monda kultura heredaĵo ekde 2000. Proksime al la urbo troviĝas kuracbanejo Bardejovské Kúpele, kiu estas parto de urbo.

Historio

La urbon fondis polaj cistercitaj monaĥoj en la 12-a jarcento. Post la tatara detruo en 1241 setlis tie germanoj. Ĝi ricevis en 1352 la rangon de libera reĝa urbo fare de Ludoviko la 1-a (Granda Ludoviko).

Ĉar ĝi apudis la trafikan vojon al Pollando, tio ebligis rapidan evoluon de la urbo. La urbon okupis en 1440 husitoj.

Komence de la 16-a jarcento la urbo havis 5.000 loĝantojn, gimnazion, muzikan lernejon, propran teatron. Ekde 1320 okazis ĉiujare 8-tagaj foiroj kaj kompreneble semajnaj foiroj. La loĝantoj de la urbo konsekriĝis al la evangelismo komence de la 16-a jc., la urbo iĝis la hungarlanda disvastiganto de la lutera reformacio.

Tie okazis la unua koncilio de la hungara reformatoj. Oni eldonis tie unuafoje en la hungara kaj slovaka lingvo la Katekismon de Lutero kaj Leĝaron de Werbőczi, la Tripartium.

La urbon plurfoje detruis incendioj (1686, 1744, 1878), pesto, bataloj, ĝia graveco malpliiĝis. En la urbo loĝis en 1910 2571 slovakoj, 2179 hungaroj kaj 1617 germanoj.

Dum la 1-a mondmilito la rusa armeo okupis la urbon en 1915. En 1919 armeo de Hungara Sovetrespubliko okupis la urbon.

Pentopolis

Ĝi estis alianco de 5 gravaj urboj en orienta parto de Supra Hungarujo fine de la mezepoko.

Sabinov - (hu. Kisszeben);
Košice - (hu. Kassa);
Prešov - (hu. Eperjes);
Bardejov - (hu. Bártfa);
Levoča - (hu. Lőcse).

Vidindaĵoj

Malnova Urbodomo, konstruita 1505-1508 en gotika stilo. Tie funkcias la muzeo Sáros.
gotikstila preĝejo Kostol sv. Egídia el la 14-a jc.
aliaj mezepokaj konstruaĵoj