Aktuario
Aktuario estas asekura matematikisto. Per statistikaj aŭ probabloteoriaj metodoj, tia fakulo klopodas prognozi estontajn monfluojn, kalkuli premiumojn aŭ pagojn de asekuro aŭ financajn rezervojn, kiujn asekura kompanio bezonas.
En kelkaj landoj, aktuario estas nomo rezervita al tiuj matematikistoj, kiuj – post trapaso de ekzamenoj pri asekura matematiko, ekonomiko, informadiko, juro ktp. – membras en la landa aktuaria asocio.
La Internacia Aktuaria Asocio (angle International Actuarial Association, akronime IAA, france Association Actuarielle Internationale, akronime AAI), estas profesia tutmonda organizaĵo bazita en Otavo, kiu kunigas aktuariojn kaj aktuariajn asociojn el la tuta mondo, interŝanĝas scion kaj funkcias kiel lobia organizaĵo por internaciaj projektoj.
Aktuarioj kaj Esperanto
[redakti | redakti fonton]Laŭ la Enciklopedio de Esperanto de 1934 (kapvorto "Aktuaroj"), la internacia organizaĵo de aktuarioj plurfoje okupiĝis pri Esperanto kaj en 1931 aperigis fakan vortareton en Esperanto, la angla, franca kaj germana lingvoj.
Aktuariaj terminaroj
[redakti | redakti fonton]- Ernest Sós: Dictionnaire Actuariel (1931, Eo, D, En, F)
- Marc Vanden Bempt: Asekura terminaro seslingva (2005)