UK 1982

UK 1982
Loko	Antverpeno, Belgio
Ekde	24-a de julio 1982
Ĝis	31-a de julio 1982
← Antaŭa	Sekva →
	v • d • r

La 67-a Universala Kongreso de Esperanto okazis de la 24-a ĝis la 31-a de julio 1982 en Antverpeno, Belgio. Ĝi havis 1899 partoprenantojn el 50 landoj. La kvaran fojon post 1911 (Antverpeno), 1928 (Antverpeno) kaj 1960 (Bruselo) la kongreso gastis en Belgio.

La Alta Protektanto de la 67-a UK estis Lia Reĝa Moŝto Baldueno, reĝo de la belgoj. Ankaŭ la antaŭaj du UK-oj en Antverpeno ĝuis la reĝan protektadon. Prezidanto de la LKK estis Fernand Piot.^[1] Krom la kutimajn servojn, la Kongresa Gazetara Servo disponigis serion da artikoloj uzeblaj por gazetara disvastigo.

La kongresa temo estis "Generaciaj aspektoj de la Esperanto-movado". La UK okazis samtempe kun la Monda Asembleo pri Maljuniĝo, kunvokita de Unuiĝintaj Nacioj (en Vieno).

La Belga Poŝta Servo eldonis specialan poŝtmarkon kun la bildo de la Babelturo.

Prelegoj

Grava (se ne la plej grava) parto de la programo estis la prelegoj. Ege ambicia estis la programo de la Internacia Kongresa Universitato, kies rektoro estis Bruce Arne Sherwood. Dua serio de prelegoj okazis kadre de la Internacia Konferenco pri Esperantologio, organizita de Detlev Blanke.

Programoj

Krom la programo de prelegoj kaj partikulare de la Internacia Kongresa Universitato, okazis en la interno de la UK kunsidoj de UEA, de la Centro de Esploro kaj Dokumentado pri la Monda Lingvo-Problemo, pri Virina agado, Asembleo de Fakaj Asocioj, Pedagogia Forumo, Institucio Hodler, Akademio de Esperanto, Eŭropa Esperanto-Unio, Seminario pri la Ĉe-metodo, kursoj pri Esperanto kaj pri la nederlanda, Tago de la Lernejo kaj ekster la kongreso okazis ankaŭ tute rilate la 38-a Internacia Junulara Kongreso (de TEJO) de la 31-a de julio ĝis la 7-a de aŭgusto en Loveno, Belgio, la 50a Internacia Kongreso de Blindaj Esperantistoj en Breda, Nederlando, la 19-a Internacia Infana Kongreseto de la 24-a ĝis la 31-a de julio 1982 en Antverpeno mem.^[2]

Krom la prelegoserioj, okazis filmoprezentoj, Internacia arta vespero, Belga vespero, kunsidoj pri diversaj aferoj kaj la kunvenoj de tre diversaj fakaj asocioj.

Distraĵoj

Ekskursoj okazis al Antverpeno mem, Lieĝo kaj Ardenoj, Lieĝo kaj Namuro, Tournai kaj Charleroi, Bokrijk, al altmarĉejo, Bruĝo, Naturrezervejo Westhoek, Bruselo, Aalst kaj Gento, Dendermonde, Turnhout, Lier, Naturrezervejo Het Broek, Arbaro de Halle, Loveno, ŝipekskurso ktp. Okazis ankaŭ sestaga postkongresa ekskurso tra Bruselo al Reims, Troyes, Colombey-les-deux-Eglises, Chaumont, Dijon, Beaune, Vezelay, Auxerre kaj Parizo.^[3]

Bildaro

67-a Universala Kongreso de Esperanto, 1982 : uitgifte van een bijzondere postzegel, nr 7-1982
Katalogo "Erfgoedbib" (TinyCat)
Insigno de la Universala Kongreso en Antverpeno, 1982 (Feliks-Arĥivo, arĥivaĵo 2233#371).

Referencoj

↑ "67-a Universala Kongreso de Esperanto" (dua oficiala bulteno), Roterdamo, 1982, paĝoj 3-4.
↑ "67-a Universala Kongreso de Esperanto" (dua oficiala bulteno), Roterdamo, 1982, paĝoj 45-49.
↑ "67-a Universala Kongreso de Esperanto" (dua oficiala bulteno), Roterdamo, 1982, paĝoj 22-35.

Eksteraj ligiloj

Kategorio UK 1982 en la Vikimedia Komunejo (Multrimedaj datumoj)

Kongresa kuriero

	Universalaj Kongresoj
1905-1915 • 1920-1939 • 1940-1980 • 1981-2010
Budapeŝto 1966 • Roterdamo 1967 • Madrido 1968 • Helsinki 1969 • Vieno 1970
Londono 1971 • Portlando 1972 • Beogrado 1973 • Hamburgo 1974 • Kopenhago 1975
Ateno 1976 • Rejkjaviko 1977 • Varna 1978 • Lucerno 1979 • Stokholmo 1980
Brasilia 1981 • Antverpeno 1982 • Budapeŝto 1983 • Vankuvero 1984 • Aŭgsburgo 1985
Pekino 1986 • Varsovio 1987 • Roterdamo 1988 • Brighton 1989 • Havano 1990
Bergen 1991 • Vieno 1992 • Valencia 1993 • Seulo 1994 • Tampere 1995
Prago 1996 • Adelaide 1997 • Montpellier 1998 • Berlino 1999 • Tel-Avivo 2000

[1] "67-a Universala Kongreso de Esperanto" (dua oficiala bulteno), Roterdamo, 1982, paĝoj 3-4.

[2] "67-a Universala Kongreso de Esperanto" (dua oficiala bulteno), Roterdamo, 1982, paĝoj 45-49.

[3] "67-a Universala Kongreso de Esperanto" (dua oficiala bulteno), Roterdamo, 1982, paĝoj 22-35.

[1]

[2]

[3]