Kaliforni-duoninsula Dezerto
| Kaliforni-duoninsula Dezerto | |
| Desierto de Baja California | |
| dezerto, duondezerto | |
 Stenocereus eruca
| |
| Lando |  Meksiko
|
|---|---|
| Subŝtato | Malsupra Kalifornio, Suda Malsupra Kalifornio |
| Areo | 77 700,0 km² (7 770 000 ha) |
| Biomo | Dezertoj kaj kserofitaroj |
| Klimato | Subtropiko |
 Situo de Kalifornia Duoninsulo
| |
 Vikimedia Komunejo: Baja California Desert
| |
Kaliforni-duoninsula Dezerto estas duondezerto kiu konstituas tersupraĵan ekoregionon el la nord-meksika ekoprovinco de la nearktisa ekozono laŭ la tipologio de la Monda Natur-Fonduso (WWF). La ekoregiono estas parto de la tutmondaj 200-regiono "sonora kaj kaliforni-duoninsula dezertoj". Biome ĝi apartenas al dezertoj kaj kserofitaroj de Kalifornia Duoninsulo en ekstrem-okcidenta Meksiko [1].
Priskribo
[redakti | redakti fonton]La ekoregiono kovras 77 700 kvadratajn kilometrojn kaj ampleksas plimulton de la okcidenta deklivaro de la duoninsulo. Ĝi okcidente estas limigita de Pacifika Oceano, oriente de la duoninsula montaro kaj ĝi centriĝas ĉirkaŭ la koordinatoj 27° 44′ Nordo 113° 36′ Okcidento / 27.74 °N, 113.6 °U (mapo)Koordinatoj: 27° 44′ Nordo 113° 36′ Okcidento / 27.74 °N, 113.6 °U (mapo) [2]. Norde de latitudo de 30° N, Kaliforni-duoninsula Dezerto transiras al kaliforniaj ĉaparalo kaj duonarbaroj. La ekstrem-suda parto de la duoninsulo troviĝas ene de la sankt-lukaj kserofitaroj. En la nordo situas la pinaroj-kverkaroj de Sierra Juárez kaj de San Pedro Mártir, kie iom da arbospecioj vegetas inkluzive de la preskaŭ minacata Washingtonia filifera (arekacoj) [3].
La klimato estas seka kaj subtropika. Kvankam la precipitaĵo estas malalta, la oceano provizas per iom da humideco kaj moderigas la temperaturon kompare kun tiu de la Sonora-Dezerto, kiu troviĝas je la orienta deklivaro de la duoninsula montaro.
Kaliforni-duoninsula Dezerto troviĝas en la okcidenta parto de Kalifornia Duoninsulo, kaj okupas plimulton de la meksikaj subŝtatoj Malsupra Kalifornio kaj Suda Malsupra Kalifornio. La altitudoj varias ekde montaroj en la okcident-centra parto (1 000 - 1 500 m), al ebenaĵoj de meza altitudo (300 – 600 m), kaj vastaj areoj de marbordaj dunoj.
Flaŭro
[redakti | redakti fonton]
La ekoregiono estas plejofte kovrita de kserofitoj, kiuj kreas variajn komunumojn depende de altitudo kaj grundo. La ekoregiono havas ĉirkaŭ 500 speciojn da vaskulaj plantoj, de kiuj iuj estas endemiaj, ekzemple Fouquieria columnaris (erikaloj) aŭ Stenocereus eruca (kaktoj).
Faŭno
[redakti | redakti fonton]Minacoj kaj konservado
[redakti | redakti fonton]Referencoj
[redakti | redakti fonton]- ↑ Taylor H. Ricketts, Eric Dinerstein, David M. Olson, Colby J. Loucks, et al. 1999
- ↑ World Wildlife Fund. Baja California desert ecoregion. globalspecies.org. Alirita 2012-03-07.
- ↑ angle C. Michael Hogan. 2009
Bibliografio
[redakti | redakti fonton]- angle C. Michael Hogan. 2009. California Fan Palm: Washingtonia filifera, GlobalTwitcher.com, ed. Nicklas Stromberg Arkivigite je 2009-09-30 per la retarkivo Wayback Machine
- angle Taylor H. Ricketts, Eric Dinerstein, David M. Olson, Colby J. Loucks, et al. 1999. Terrestrial Ecoregions of North America: a Conservation Assessment. Island Press, Washington DC.
Vidu ankaŭ
[redakti | redakti fonton]- Ekologia klasifiko de la tersupraĵoj
- Ekoregionoj en Meksiko
- Konservada stato de ekoregiono
- Meksikaj loknomoj
| Nearktisaj dezertoj kaj kserofitaroj | |
|---|---|
| NA1301 Kaliforni-duoninsula Dezerto |  Meksiko
|
| NA1302 Centra-meksika kserofitaro | Meksiko
|
| NA1303 Ĉiuaŭa Dezerto | Meksiko,  Usono
|
| NA1305 Grand-basena arbustara stepo | Usono
|
| NA 1307 Centra-meksikaltebenaĵa kserofitaro | Meksiko
|
| NA1308 Mojave-Dezerto | Usono
|
| PA1310 Sonora-Dezerto | Meksiko, Usono
|
| ||||||||||||||||||||
Eksteraj ligiloj
[redakti | redakti fonton]
- angle Ekoregiono NA1301 : Kaliforni-duoninsula Dezerto (WWF)
- angle Kaliforni-duoninsula Dezerto (WWF-Wildworld)
- angle Kaliforni-duoninsula Dezerto (Wildworld) - Nacia Geografia Societo
- angle Kaliforni-duoninsula Dezerto (The Encyclopedia of Earth)
- angle Kaliforni-duoninsula Dezerto (Globalspecies) Arkivigite je 2016-03-07 per la retarkivo Wayback Machine
- angle Situo de la ekoregiono : tajpu Baja California Desert
- angle Tutmondaj 200; numero 130 : Sonora kaj kaliforni-duoninsula dezertoj (WWF) Arkivigite je 2012-10-15 per la retarkivo Wayback Machine